Mark 3:20-27
သန့်ရှင်းသောဝိညာဉ်တော်ကို တရိုက်ခြင်း
(မဿဲ ၁၂:၂၂-၃၂၊ လုကာ ၁၁:၁၄-၂၃၊ ၁၂:၁၀)
20ယင်းနောက် ယေရှုစာ အိမ်တို့ ပြန်ရို့ ရောက်လာရေခါ အရာတစ်ခေါက် လူအများကြီး စုကတ်လီရေ။ ယင်းအတွက်န ယေရှုန သူ့တပည့်ရို့စာ တစ်ခုလည်း စားသောက်ဖို့ မရကတ်လီ။ 21ယေရှုမာ အိမ်သားရို့စာ ထိုသတင်းကို ကြားရို့ သူ့ကို ခေါ်ဖို့ လာကတ်လီရေ အရာ သူရို့စာ ပြောကတ်လီရေ၊ “ယင်းသူ ရူးလားခဗျာ။” 22ယေရုရှလင်မြို့က လာကတ်စာ ကျမ်းဆရာရို့စာ ပြောကတ်လီရေ၊ “ယင်းသူကို နတ်ဆိုးရို့မာ မင်း ဗေလဇေဗုလ ကိုင်ထားဗျာ။ ယင်းအတွက်န သူစာ နတ်ဆိုးရို့မာ မင်း တန်ခိုးကို အသုံးပြုရို့ နတ်ဆိုးတိကို နှင်ထုတ်တေ!” 23ယင်းခါ ယေရှုစာ ကျမ်းဆရာရို့ကို ခေါ်ရို့ ပုံဥပမာတစ်ခု တင်ပြလီရေ၊ “မာရ်နတ် ကိုယ့်ကိုကိုယ် ဇာပိုင်ပျင်ရို့ နှင်ထုတ်နိုင်ဖို့လည်း? 24နိုင်ငံတစ်ခုမာ လူရို့စာ ကိုယ်ရို့အချင်းချင်း မသင့်မတင် ဖြစ်ရို့ ကွဲလားခရေဆိုကေ ယင်းနိုင်ငံစာ မတည်မြဲနိုင်။ 25အရာ အိမ်တစ်အိမ်မာ ကိုယ်ရို့အချင်းချင်း မသင့်မတင် ဖြစ်ရို့ ကွဲလားခရေဆိုကေ ယင်းအိမ်သားလည်း မတည်မြဲနိုင်။ 26ယင်းပိုင်တထန် မာရ်နတ်လည်း ကိုယ့်ကိုကိုယ် ဆန့်ကျင်ရို့ ကွဲလားခရေဆိုကေ မတည်မြဲဘိုင်းန ပျက်စီးခြင်းကို ခံရရေ။ 27အားသျှင်တစ်ယောက်ကို အယင်ဆုံး ချိုင်ရို့ မထားဘိုင်းန တစ်ယောက်လည်း သူ့အိမ်တို့ ဝင်ရို့ ပစ္စည်း-ဥစ္စာတိကို ထုတ်ယူလားဖို့ မနိုင်။ သူ့ကို ချိုင်ရို့ ထားပြီးခါရာ သူ့အိမ်က ပစ္စည်း-ဥစ္စာတိကို ထုတ်ယူလားဖို့ နိုင်ရေ။
Copyright information for
RmzSC