Mar 4:1-9 | RmzSC | STEP | ယေရှုစာ အရာတစ်ပြန် ဂါလိလဲမြစ်ကမ်းနားမာ လူရို့ကို သွန်သင်ပီးလီရေ။ ယင်းခါ သူ့လေးဖက်လက်စိမာ လူအများကြီး လာရို့ စုကတ်လီရေ။ ယင်းအတွက်န သူစာ လောင်းတစ်စင်းမာ တက်ရို့ ထိုင်လီရေ။ ယေကေလည်း လူရို့စာ မြစ်ကမ်းနားမာ ရပ်ရို့ နီကတ်လီရေ။

Mark 4:1-9

လယ်သမားတစ်ယောက် ပုံဥပမာ

(မဿဲ ၁၃:၁-၉၊ လုကာ ၈:၄-၈)

1 ယေရှုစာ အရာတစ်ပြန် ဂါလိလဲမြစ်ကမ်းနားမာ လူရို့ကို သွန်သင်ပီးလီရေ။ ယင်းခါ သူ့လေးဖက်လက်စိမာ လူအများကြီး လာရို့ စုကတ်လီရေ။ ယင်းအတွက်န သူစာ လောင်းတစ်စင်းမာ တက်ရို့ ထိုင်လီရေ။ ယေကေလည်း လူရို့စာ မြစ်ကမ်းနားမာ ရပ်ရို့ နီကတ်လီရေ။ 2 သူစာ ပုံဥပမာ တင်ပြရို့ အကြောင်းအရာ အများကြီး လူရို့ကို သွန်သင်ပီးလီရေ။ ထိုသွန်သင်ချက်တိအထဲက သူစာ ဒေပိုင် ပြောလီရေ၊ 3 “နားထောင်၊ လယ်သမားတစ်ယောက် လယ်မာ မျိုးစိကြဲဖို့ လားခလီရေ။ 4 မျိုးစိကြဲရေခါ တစ်ချိုးမျိုးစိတိစာ လမ်းနားမာ ကျရေအတွက်န ငှက်တိ လာရို့ တောက်စားဘိုက်လိုက်လီရေ။ 5 အရာ တစ်ချိုးမျိုးစိတိစာ ကျောက်နရောစာမြေမာ ကျလီရေ။ ယင်းနေရာမာ မြေသား အများ မဟိလီရေအတွက်န အညှောင့် အယင် ထွက်လာလီရေ။ 6 ယေကေလည်း နီထွက်လာရေခါ ထိုအညှောင့်တိစာ ညှိုးလားခလီရေ အရာ အမြစ် အလှပ မထိုးရေအတွက်န ခြောက်လားခလီရေ။ 7 အရာ တစ်ချိုးမျိုးစိတိစာ စူးခြုံတောမာ ကျလီရေ။ စူးပင်တိ ကြီးလာရေခါ ပေါက်လာစာ ပျိုးပင်သျှေတိကို ဖိထားလီရေ။ ယင်းအတွက်န ထိုပျိုးပင်သျှေမာ အသီး မသီးနိုင်လီ။ 8 ယေကေလည်း တစ်ချိုးမျိုးစိတိစာ မြေအကောင်းမာ ကျလီရေ အရာ ပျိုးပင်သျှေ ပေါက်ရို့ ကြီးလာရေခါ အသီးသီးလီရေ။ ထိုအပင်တိအထဲက တစ်ချိုးအပင်မာ အဆသုံးဆယ်၊ တစ်ချိုးအပင်မာ အဆခြောက်ဆယ် အရာ တစ်ချိုးအပင်မာ အဆတစ်ရာတိုင်အောင် အသီးသီးလီရေ။” 9 နောက်ဆုံးပြီးမာ သူစာ ပြောလီရေ၊ “ငါ့စကားကို နားထောင်ချင်သူရို့ နားထောင်ကတ်။”