Mar 4:35-41 | RmzSC | STEP | ယင်းနိ နီဝင်လာရေခါ ယေရှုစာ ကိုယ့်တပည့်ရို့ကို ပြောလီရေ၊ “လား၊ ငါရို့ မြစ်ကမ်းတစ်ဖက်တို့ ကူးကတ်မည်။”

Mark 4:35-41

လီမုန်တိုင်းကို တန့်စီခြင်း

(မဿဲ ၈:၂၃-၂၇၊ လုကာ ၈:၂၂-၂၅)

35 ယင်းနိ နီဝင်လာရေခါ ယေရှုစာ ကိုယ့်တပည့်ရို့ကို ပြောလီရေ၊ “လား၊ ငါရို့ မြစ်ကမ်းတစ်ဖက်တို့ ကူးကတ်မည်။” 36 ယင်းခါ တပည့်ရို့စာ လူရို့ကို ထားဘိုက်ခရို့ ယေရှု တက်စာလောင်းမာ တက်ပြီးကေ ယေရှုနအတူ လိုက်ကတ်လီရေ။ သူရို့ လောင်းနအတူ အခြားလောင်းတိလည်း ပါလီရေ။ 37 သူရို့ လောင်းလှော်ရို့ လားနီတုံးမာ လီမုန်တိုင်းကြီးတစ်ခု တိုက်လာလီရေ အရာ ရီလှိုင်းလုံးတိစာ လောင်းမာ အက်ကျပြီးကေ လောင်းမာ ရီပြည့်တက်လီရေ။ 38 ယေကေလည်း ယေရှုစာ လောင်းပဲ့မာ ဂေါင်းအုံးချရို့ အိပ်ရို့ ဟိလီရေ။ ယင်းခါ တပည့်ရို့စာ ယေရှုကို နှိုးရို့ ခေါ်ကတ်လီရေ၊ “ဆရာ၊ အကျွန်ရို့ ရီမာ နစ်ရို့ သီပါဖို့ဗျာ။ ကိုယ်ဘင် အကျွန်ရို့ဖက်တို့ လှည့်ရို့ပင် မကြည့်ပါကား?” 39 ယင်းခါ ယေရှုစာ ထရို့ လီကို ဟောက်လီရေ အရာ မြစ်ကို ပြောလီရေ၊ “တန့်၊ ငြိမ်းဖိ!” ယေရှု ပြောရေချက်ချင်း လီစာ တန့်လားခလီရေ အရာ မြစ်မာ ဟိသမျ အားကုံး ငြိမ်းလားခလီရေ။ 40 ယင်းနောက် ယေရှုစာ တပည့်ရို့ကို ပြောလီရေ၊ “နင်ရို့ ဇာဖို့ ကြောက်ကတ်စာလည်း? နင်ရို့ ဒေဂုလည်း မကျုံကတ်သိလော?” 41 ယင်းခါ တပည့်ရို့စာ ကောင်းကောင်း ကြောက်ကတ်လီရေ အရာ သူရို့စာ ကိုယ်ရို့အချင်းချင်း ပြောကတ်လီရေ၊ “ဒေလူ အသူလည်းဝေး? လီန ရီလှိုင်းလုံး တိုင်အောင်ပင် သူ့စကားကို နားထောင်ရေကား!”