Mar 8:14-21 | RmzSC | STEP | တပည့်ရို့မာ ပေါင်မုန့် ယူဖို့ မိလားခကတ်လီရေ။ လောင်းမာ တက်တေခါ သူရို့ဘားမာ ပေါင်မုန့် တစ်သျှက်တောက်ရာ ပါလီရေ။

Mark 8:14-21

တပည့်ရို့ကို သတိပီးခြင်း

(မဿဲ ၁၆:၅-၁၂)

14 တပည့်ရို့မာ ပေါင်မုန့် ယူဖို့ မိလားခကတ်လီရေ။ လောင်းမာ တက်တေခါ သူရို့ဘားမာ ပေါင်မုန့် တစ်သျှက်တောက်ရာ ပါလီရေ။ 15 ယင်းခါ ယေရှုစာ သူရို့ကို ပြောလီရေ၊ “နင်ရို့ သတိထားကတ်၊ ဖာရိရှဲအဖွဲ့သားရို့န ဟေရုဒ်မင်း တဆီးကို ရှောင်ကတ်။” 16 ယေရှု ပြောစာစကား ကြားရို့ တပည့်ရို့စာ ကိုယ်ရို့အချင်းချင်း ပြောကတ်လီရေ၊ “ငါရို့မာ ပေါင်မုန့် မပါလတ်တေအတွက်န ဆရာ ဒေပိုင် စကားကို ပြောစာလော မသိ။” 17 တပည့်ရို့ ပြောစာစကားကို ယေရှု နားလည်ရို့ သူရို့ကို ပြောလီရေ၊ “နင်ရို့မာ ပေါင်မုန့် မပါလတ် ဟို့ ဇာဖို့ ပြောကတ်စာလည်း? နင်ရို့ဒေဂုလည်း မမြင်ကတ်သိလော အရာ နားမလည်ကတ်သိလော? နင်ရို့မာ စိတ်နှလုံး ကောင်းကောင်း ကျန်းလားခဗျာလော? 18 နင်ရို့မာ မျက်စိဟိရို့လည်း မမြင်ရကတ်လော? နားဟိရို့လည်း မကြားရကတ်လော? စိတ်မာလည်း တွက်ရို့ မရကတ်လော? 19 ငါ လူငါးထောင်အတွက် ပေါင်မုန့် ငါးသျှက်ကို ဖဲ့ရို့ ဝီပီးလီရေခါ အပဲ့အခြမ်း ကျရို့ဟိစာက နင်ရို့ ဇာမျှတောင်း ကောက်လီကတ်တေလည်း?” တပည့်ရို့စာ အဖြေပီးကတ်လီရေ၊ “တစ်ဆယ့်နှစ်တောင်းပါ။” 20 ယေရှု အရာလည်း မီးလီရေ၊ “ငါ လူလေးထောင်အတွက် ပေါင်မုန့် ခုနစ်သျှက်ကို ဖဲ့ရို့ ဝီပီးလီရေခါ အပဲ့အခြမ်း ကျရို့ဟိစာက နင်ရို့ ဇာမျှတောင်း ကောက်လီကတ်တေလည်း?” တပည့်ရို့စာ အဖြေပီးကတ်လီရေ၊ “ခုနစ်တောင်းပါ။” 21 ယင်းခါ ယေရှုစာ တပည့်ရို့ကို ပြောလီရေ၊ “နင်ရို့ အဂုလည်း နားမလည်ကတ်သိလော?”