Mark 8:34-38
နင့်ကားတိုင်ကို ရွက်ရို့ ငါ့နောက်က လိုက်ရဖို့
(မဿဲ ၁၆:၂၄-၂၈၊ လုကာ ၉:၂၃-၂၇)
34ယင်းနောက် ယေရှုစာ တပည့်ရို့န အခြားလူရို့ကို ကိုယ့်အနားတို့ ခေါ်ရို့ ပြောလီရေ၊ “အသူမဆို ငါ့နောက်က လိုက်ချင်ရေဆိုကေ သူစာ ကိုယ့်ကို ငြင်းပယ်ရဖို့ အရာ သူစာ ကိုယ့်ကားတိုင်ကို ရွက်ရို့ ငါ့နောက်က လိုက်ရဖို့။ 35အကြောင်းကား အသူမဆို ကိုယ့်အသက်ကို ကယ်ဆယ်ချင်ရေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ငါ့အကြောင်းန အရာ ထာဝရဘုရား၏ သတင်းကောင်းအကြောင်းန ကိုယ့်အသက်ကို အဆုံးခံရေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။ 36အသူမဆို တစ်လောကလုံးကို အနိုင်ရရို့ပင်လည်း ကိုယ့်မာ ထာဝရအသက်ကို ဆုံးရရေဆိုကေ ယင်းသူမာ ဇာအမြတ် ဟိရေလည်း? 37အကြောင်းကား ထာဝရအသက်ကို ပြန်ရဖို့အတွက် ယင်းသူမာ ပီးစရာ ဇာ ဟိရေလည်း? 38ဒေခိုက်မာ သစ္စာမဟိသူရို့န လူဆိုးရို့အထဲက အသူမဆို ငါန ငါ့စကားကို ယူရို့ ရှက်တေဆိုကေ မနုသသားတော်လည်း သန့်ရှင်းစာ ဂေါင်းခင်နတ်သားရို့နအတူ ကိုယ့်အဖ၏ ဘုန်းတန်ခိုးကို ဆောင်ရို့ ကြွလာရေခါ ယင်းသူကို ယူရို့ ရှက်လိမည်။”Mark 9:1
1ယင်းနောက် ယေရှုစာ တပည့်ရို့ကို ပြောလီရေ၊ “ငါ နင်ရို့ကို အမှန် ပြောရေ၊ ထာဝရဘုရား၏ နိုင်ငံတော် မဟာတန်ခိုးန တည်စာကို မမြင်ရသကြား တစ်ခုပိုင်လည်း သီရဖို့ မဟုတ်စာ လူလိုင်းကေယောက် ဒေ နေရာမာ ဟိကတ်တေ။”
Copyright information for
RmzSC