Mark 9:42-48
အပြစ်လမ်းတို့ ဆောင်ယူလားခြင်း
(မဿဲ ၁၈:၆-၉၊ လုကာ ၁၇:၁-၂)
42“အသူမဆို ငါ့ကို ကျုံကတ်စာ အသျှေရို့အထဲက တစ်ယောက်ကို အပြစ်လမ်းတို့ ဆောင်ယူလားရေဆိုကေ ယင်းသူ လိုင်ဖင်းမာ ကျောက်လုံးကြီးတစ်လုံးကို ဆွဲရို့ ပင်လယ်ထဲတို့ ဘိုက်ချခြင်းကို ခံရစာပင် သူ့အတွက် ပိုရို့ ကောင်းဖို့သိ။ 43“အရာ နင့်အလက်စာ နင့်ကို အပြစ်လမ်းတို့ ဆောင်ယူလားရေဆိုကေ ယင်းအလက်ကို ပိုင်းရို့ ဝဲဘိုက်လိုက်။ နင် အလက်နှစ်ဖက်န ငရဲမီးအိုင်မာ ကျရဖို့စာထက် အလက်အပိုင်း ဖြစ်ရို့ အသက်ရှင်ခြင်းကို ခံရဖို့စာပင် နင့်အတွက် ပိုရို့ ကောင်းဖို့သိ။ ▼▼ပထမဆုံး ရွီးလီစာ ဂရိဘာသာ ကျမ်းစာအဟောင်းတိမာ အခန့်ငယ် ၄၄န ၄၆-မာ စကားတိ ရွီးရို့ မဟိပါ။
44– 45“နင့်အခြီစာ နင့်ကို အပြစ်လမ်းတို့ ဆောင်ယူလားရေဆိုကေ ယင်းအခြီကို ပိုင်းရို့ ဝဲဘိုက်လိုက်။ အခြီနှစ်ဖက်ကို ယူရို့ ငရဲမီးအိုင်မာ ကျရဖို့စာထက် အခြီအပိုင်း ဖြစ်ရို့ အသက်ရှင်ခြင်းကို ခံရဖို့စာပင် နင့်အတွက် ပိုရို့ ကောင်းဖို့သိ။ ထိုငရဲမီးစာ အမြဲတိုင်း တောက်နီရေ။ 46– 47“အရာ နင့် မျက်စိစာ နင့်ကို အပြစ်လမ်းတို့ ဆောင်ယူလားရေဆိုကေ ယင်းမျက်စိကို ထွတ်ရို့ ဝဲဘိုက်လိုက်။ မျက်စိနှစ်လုံးန ငရဲမီးအိုင်မာ ကျရဖို့စာထက် မျက်ကန်း ဖြစ်ရို့ ထာဝရဘုရား၏ နိုင်ငံတော်တို့ ဝင်ရဖို့စာပင် နင့်အတွက် ပိုရို့ ကောင်းဖို့သိ။ 48ထိုငရဲမီးအိုင်မာ လူအသားကို စားစာ လောက်တိစာ တစ်ခါလည်း မသီ အရာ ငရဲမီးလည်းသောက် တစ်ခါလည်း မသီ။
Copyright information for
RmzSC