Mat 12:38-42 | RmzSC | STEP | ယင်းနောက် ကျမ်းဆရာရို့န ဖာရိရှဲအဖွဲ့သား လိုင်းကေယောက်စာ လာရို့ ယေရှုကို ပြောကတ်လီရေ၊ “ဆရာ၊ အကျွန်ရို့ ကိုယ်ဘင်က နိမိတ်လက္ခဏာတစ်ခု ကြည့်ချင်ပါရေ။”

ဒေခိုက်မာ လူရို့ အပြစ်အတင်ခံဖို့စာ အကြောင်း

38 ယင်းနောက် ကျမ်းဆရာရို့န ဖာရိရှဲအဖွဲ့သား လိုင်းကေယောက်စာ လာရို့ ယေရှုကို ပြောကတ်လီရေ၊ “ဆရာ၊ အကျွန်ရို့ ကိုယ်ဘင်က နိမိတ်လက္ခဏာတစ်ခု ကြည့်ချင်ပါရေ။”

39 ယင်းခါ ယေရှုစာ သူရို့ကို ပြောလီရေ၊ “ဒေခိုက်မာ လူဆိုးရို့န သစ္စာမတည်သူရို့စာ နိမိတ်လက္ခဏာကို လိုက်ရို့ ရှာနီကတ်တေ။ ယေကေလည်း သူရို့ကို ဘုရားသတင်းပို့သူ ယောန၏ နိမိတ်လက္ခဏာကို ပယ်ရို့ အခြားနိမိတ်လက္ခဏာ တစ်ခုကိုလည်း ပြလိမည် မဟုတ်။

40 ဘုရားသတင်းပို့သူ ယောန သုံးညဉ့်န သုံးရက် ငါးကြီးဝမ်းခေါင်းထဲမာ ဟိလီရေပိုင် မနုသသားတော်လည်းသောက် သုံးညဉ့်န သုံးရက် မြေခေါင်းထဲမာ နီရလိမည်။

41 နိနေဝေမြို့သားရို့စာ တရားစစ်ဆေးရေနိမာ ရပ်ရို့ ဒေခိုက်မာ လူရို့ကို အပြစ်တင်ကတ်လိမည်၊ အကြောင်းကား နိနေဝေမြို့သားရို့စာ ဘုရားသတင်းပို့သူ ယောန ဟောပြောစာတရားကို ကြားရို့ အပြစ်က စိတ်လှည့်ရို့ လာလီကတ်တေ။ အရာ ကြည့်ကတ်၊ ယောနထက်လည်း ပိုရို့ ကြီးမြတ်သူတစ်ပါး ဒေမာ ဟိရေ။

42 တောင်ဖက်ပြည်က မင်းမစာ တရားစစ်ဆေးရေနိမာ ရပ်ရို့ ဒေခိုက်မာ လူရို့ကို အပြစ်တင်လိမည်၊ အကြောင်းကား သူစာ ရှောလမုန်မင်းကြီး ပြောစာ ညာဏ်ပညာစကားတိကို နားထောင်ဖို့အတွက် ကမ္ဘာအစွမ်းကနီရို့ လာလီရေ။ အရာ ကြည့်ကတ်၊ ရှောလမုန်မင်းကြီးထက်လည်း ပိုရို့ ကြီးမြတ်သူတစ်ပါး ဒေမာ ဟိရေ။

Matthew 12:38-42

ဒေခိုက်မာ လူရို့ အပြစ်အတင်ခံဖို့စာ အကြောင်း

(လုကာ ၁၁:၂၉-၃၂)