Mat 13:1-9 | RmzSC | STEP | ယင်းနိခါ ယေရှုစာ အိမ်က ထွက်လားရို့ မြစ်ကမ်းနားမာ ထိုင်လီရေ။

Matthew 13:1-9

လယ်သမားတစ်ယောက် ပုံဥပမာ

(မာကု ၄:၁-၉၊ လုကာ ၈:၄-၈)

1 ယင်းနိခါ ယေရှုစာ အိမ်က ထွက်လားရို့ မြစ်ကမ်းနားမာ ထိုင်လီရေ။ 2 ယင်းခါ သူ့လေးဖက်လက်စိမာ လူအများကြီး လာရို့ စုကတ်လီရေ။ ယင်းအတွက်န သူစာ လောင်းတစ်စင်းမာ တက်ရို့ ထိုင်လီရေ။ အရာ ဟိသမျ လူရို့စာ မြစ်ကမ်းနားမာ ရပ်ရို့ နီကတ်လီရေ။ 3 ယင်းခါ သူစာ အကြောင်းအရာ အများကြီး ပုံဥပမာ တင်ပြရို့ လူရို့ကို သွန်သင်ပီးလီရေ။

4 သူစာ ပြောလီရေ၊ “လယ်သမားတစ်ယောက် လယ်မာ မျိုးစိကြဲဖို့ လားခလီရေ။ ထိုမျိုးစိတိကို ကြဲရေခါ တစ်ချိုးမျိုးစိတိစာ လမ်းနားမာ ကျလီရေ အရာ ထိုမျိုးစိတိကို ငှက်တိ လာရို့ စားဘိုက်ကတ်လီရေ။ 5 အရာ တစ်ချိုးမျိုးစိတိစာ ကျောက်နရောစာမြေမာ ကျလီရေ။ ယင်းနေရာမာ မြေသား အများ မဟိလီရေအတွက်န အညှောင့် အယင် ထွက်လာလီရေ။ 6 ယေကေလည်း နီထွက်လာရေခါ ထိုအညှောင့်တိစာ ညှိုးလားခလီရေ အရာ အမြစ် အလှပ မထိုးရေအတွက်န ခြောက်လားခလီရေ။ 7 အရာ တစ်ချိုးမျိုးစိတိစာ စူးခြုံတောမာ ကျလီရေ။ ယင်းအတွက်န စူးပင်တိ ကြီးလာရေခါ ပေါက်လာစာ ပျိုးပင်သျှေတိကို ဖိထားလီရေ။ 8 ယေကေလည်း တစ်ချိုးမျိုးစိတိစာ မြေအကောင်းမာ ကျလီရေအတွက်န အသီးသီးလီရေ။ အရာ ထိုအပင်တိအထဲက တစ်ချိုးအပင်မာ အဆသုံးဆယ်၊ တစ်ချိုးအပင်မာ အဆခြောက်ဆယ် အရာ တစ်ချိုးအပင်မာ အဆတစ်ရာတိုင်အောင် အသီးသီးလီရေ။” 9 ပုံဥပမာ တင်ပြရို့ ပြီးရေခါ သူစာ ပြောလီရေ၊ “ငါ့စကားကို နားထောင်ချင်သူရို့ နားထောင်ကတ်။”