Matthew 13:18-23
လယ်သမား ပုံဥပမာ အဓိပ္ပါယ်ကို ရှင်းပြခြင်း
(မာကု ၄:၁၃-၂၀၊ လုကာ ၈:၁၁-၁၅)
18– 19“ဒေဂု လယ်သမား ပုံဥပမာ အဓိပ္ပါယ်ကို နင်ရို့ နားထောင်ကတ်။ လမ်းနားမာ ကျစာမျိုးစိတိစာ ဂေါင်းခင်နိုင်ငံတော်၏ တရားတော်ကို ကြားရို့အတိုင်းလည်း နားမလည်ကတ်စာ လူတစ်မျိုးနတူကတ်တေ။ သူရို့ စိတ်နှလုံးမာ ကြဲထားလီစာ တရားတော်ကို မာရ်နတ် လာရို့ နုတ်ယူလားခရေ။ 20“အရာ ကျောက်နရောစာမြေမာ ကျစာမျိုးစိတိစာ ထိုတရားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုတရားတော်ကို ကြားရေချက်ချင်း ဝမ်းသာရို့ လက်ခံကတ်တေ။ 21ယေကေလည်း ထိုတရားတော်စာ သူရို့ စိတ်နှလုံးမာ အလှပ မစွဲရေအတွက်န တစ်နားသျှေရာ တည်မြဲနိုင်ခကတ်တေ။ ထိုတရားတော် အကြောင်းန ညှဉ်းဆဲခြင်းန ဒုက္ခကို ခံရရေချက်ချင်း နောက်ဆုတ်လားခကတ်တေ။ 22“စူးခြုံတောမာ ကျစာမျိုးစိတိစာ ထိုတရားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ တရားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်းန ပစ္စည်း-ဥစ္စာကို တွယ်တာခြင်းစာ တရားတော်ကို ဖိထားရေ။ ယင်းအတွက်န ယင်းတရားတော်စာ အသီးမသီးနိုင်။ 23“မြေအကောင်းမာ ကျစာမျိုးစိတိစာ ထိုတရားတော်ကို ကြားရို့ နားလည်ကတ်စာ အခြားလူတစ်မျိုးနတူကတ်တေ။ သူရို့အထဲက တစ်ယောက်တစ်ရီမာ အဆသုံးဆယ်၊ တစ်ယောက်တစ်ရီမာ အဆခြောက်ဆယ် အရာ တစ်ယောက်တစ်ရီမာ အဆတစ်ရာတိုင်အောင် အသီးသီးရေ။”
Copyright information for
RmzSC