Matthew 16:24-28
နင့်ကားတိုင်ကို ရွက်ရို့ ငါ့နောက်က လိုက်ရဖို့
(မာကု ၈:၃၄-၉:၁၊ လုကာ ၉:၂၃-၂၇)
24ယင်းနောက် ယေရှုစာ ကိုယ့်တပည့်ရို့ကို ပြောလီရေ၊ “အသူမဆို ငါ့နောက်က လိုက်ချင်ရေဆိုကေ သူစာ ကိုယ့်ကို ငြင်းပယ်ရဖို့ အရာ သူစာ ကိုယ့်ကားတိုင်ကို ရွက်ရို့ ငါ့နောက်က လိုက်ရဖို့။ 25အရာ အသူမဆို ကိုယ့်အသက်ကို ကယ်ဆယ်ချင်ရေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ငါ့အကြောင်းန ကိုယ့်အသက်ကို အဆုံးခံရေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။ 26အသူမဆို တစ်လောကလုံးကို အနိုင်ရရို့ပင်လည်း ကိုယ့်မာ ထာဝရအသက်ကို ဆုံးရရေဆိုကေ ယင်းသူမာ ဇာအမြတ် ဟိရေလည်း? ထာဝရအသက်ကို ပြန်ရဖို့အတွက် ယင်းသူမာ ပီးစရာ ဇာ ဟိရေလည်း? 27မနုသသားတော်စာ ကိုယ့်ဂေါင်းခင်နတ်သားရို့နအတူ ကိုယ့်အဖ၏ ဘုန်းတန်ခိုးကို ဆောင်ရို့ ကြွလာလိမည်။ ယင်းခါ သူစာ လူတိုင်းကို အလုပ်န ထိုက်တန်စာ အကျိုးကို ပီးလိမည်။ 28ငါ နင်ရို့ကို အမှန် ပြောရေ၊ မနုသသားတော် မင်းအဖြစ် ကြွလာစာကို မမြင်ရသကြား တစ်ခုပိုင်လည်း သီရဖို့ မဟုတ်စာ လူလိုင်းကေယောက် ဒေ နေရာမာ ဟိကတ်တေ။”
Copyright information for
RmzSC