Matthew 17:14-21
နတ်ဆိုးကိုင်စာ ယောက်ျားသျှေ အကောင်းဖြစ်ခြင်း
(မာကု ၉:၁၄-၂၉၊ လုကာ ၉:၃၇-၄၃)
14ယေရှုန သူ့တပည့်ရို့စာ လူပရိတ်သတ်ရို့တို့ ပြန်လာကတ်တေခါ လူတစ်ယောက် လာရို့ ယေရှု ရှိက ဒူးထောက်ရို့ ပြောလီရေ၊ 15“ဆရာ၊ အကျွန့် သားကို သနားပါ၊ အကြောင်းကား သူစာ ဝက်ရူးနာ စွဲရို့ ကောင်းကောင်း ဒုက္ခ ခံရနီပါရေ။ သူစာ မကြာမကြာ မီးမာ မဟုတ်ကေ ရီမာ ကျပါရေ။ 16အကျွန် သူ့ကို ကိုယ်ဘင် တပည့်ရို့တို့ ယူခလီပါရေ၊ ယေကေလည်း သူရို့ အကောင်း လုပ်ဖို့ မနိုင်လီကတ်ပါ။” 17ယင်းခါ ယေရှုစာ ပြောလီရေ၊ “အိုး မကျုံသူရို့န လမ်းမှားသူရို့! ငါ နင်ရို့နအတူ ဇာမျှရက် နီဖို့သိလည်း? အရာ နင်ရို့ကို ဇာမျှရက် သည်းခံရို့ နီဖို့သိလည်း? နင့် သားကို ငါ့တို့ ယူခ။” 18ယေရှုစာ နတ်ဆိုးကို ဟောက်တေခါ နတ်ဆိုးစာ ယင်းသူခန္ဓာက ထွက်လားခလီရေ အရာ သူစာ ချက်ချင်း ကောင်းလားခလီရေ။ 19ယင်းနောက် ယေရှု နူးချင်းတည်း ဟိလီရေခါ တပည့်ရို့စာ သူ့တို့ လာရို့ မီးကတ်လီရေ၊ “အကျွန်ရို့ ဇာဖို့ နတ်ဆိုးကို နှင်ထုတ်ဖို့ မနိုင်လီပါစာလည်း?” 20ယေရှုစာ သူရို့ကို ပြောလီရေ၊ “နင်ရို့မာ ကျုံခြင်းတရား အားနည်းရေအတွက်န မနိုင်လီစာ ဖြစ်တေ။ ငါ နင်ရို့ကို အမှန် ပြောရေ၊ ရဲစိသျှေတစ်စိလှောက် နင်ရို့မာ ကျုံခြင်းတရား ဟိရေဆိုကေ နင်ရို့ ဒေ တောင်ကို၊ ‘ဒေ နေရာက ရွိရို့ ထိုနေရာမာ ကျ’ ဟို့ ပြောရေဆိုကေ ဒေ တောင်စာ ရွိလိမည်။ အရာ နင်ရို့အတွက် မဖြစ်နိုင်စာ တစ်ခုလည်း ဟိလိမည် မဟုတ်။ 21 ▼▼ပထမဆုံး ရွီးလီစာ ဂရိဘာသာ ကျမ်းစာအဟောင်းတိမာ ဒေ အခန့်ငယ် ၂၁-မာ စကားတိ ရွီးရို့ မဟိပါ။
ဆုတောင်းခြင်းန အစားရှောင်ခြင်း မပါဘိုင်း ဒေပိုင်ဇတ် နတ်ဆိုးကို တစ်ခုပိုင်လည်း နှင်ထုတ်ရို့ မရ။”
Copyright information for
RmzSC