Matthew 20:29-34
မျက်ကန်းနှစ်ယောက် အကောင်းဖြစ်ခြင်း
(မာကု ၁၀:၄၆-၅၂၊ လုကာ ၁၈:၃၅-၄၃)
29ယေရှုန သူ့တပည့်ရို့စာ ယေရိခေါမြို့က ထွက်ရို့ ကြွကတ်တေခါ လူပရိတ်သတ် အများကြီး ယေရှုနောက်က လိုက်ကတ်လီရေ။ 30ယင်းခါ မျက်ကန်းနှစ်ယောက် လမ်းနားမာ ထိုင်ရို့ ဟိကတ်လီရေ။ ယေရှု ယင်းလမ်းက ကြွလာနီရေဆိုစာကို ကြားကတ်တေခါ သူရို့စာ အားန အော်ရို့ ပြောကတ်လီရေ၊ “အိုး အသျှင်၊ ဒါဝိဒ်မင်း၏ သားတော်၊ အကျွန်ရို့ကို သနားပါ!” 31သူရို့ တိန်းရို့ နီလတ်အောင် လူရို့စာ သူရို့ကို ဟောက်ကတ်လီရေ။ ယေကေလည်း သူရို့စာ အရာလည်း အားန အော်ရို့ ခေါ်ကတ်လီရေ၊ “အိုး အသျှင်၊ ဒါဝိဒ်မင်း၏ သားတော်၊ အကျွန်ရို့ကို သနားပါ!” 32ယင်းခါ ယေရှုစာ တန့်ပြီးကေ သူရို့ကို ကိုယ့်တို့ ခေါ်ရို့ မီးလီရေ၊ “နင်ရို့ ဇာ လိုကတ်စာလည်း? အရာ နင်ရို့အတွက် ငါ ဇာလုပ်ရဖို့လည်း?” 33သူရို့စာ အဖြေပီးကတ်လီရေ၊ “အသျှင်၊ အကျွန်ရို့ မြင်ချင်ပါရေ။” 34ယင်းခါ ယေရှုစာ သူရို့ကို သနားရို့ သူရို့ မျက်စိမာ အလက်န တို့ရေချက်ချင်း သူရို့စာ မြင်ရကတ်လီရေ အရာ သူရို့ ယေရှု၏ နောက်က လိုက်ကတ်လီရေ။
Copyright information for
RmzSC