Matthew 21:12-17
ငါ့အိမ်စာ ဆုတောင်းစာ အိမ် ဖြစ်ရဖို့
(မာကု ၁၁:၁၅-၁၉၊ လုကာ ၁၉:၄၅-၄၈၊ ယောဟန် ၂:၁၃-၂၂)
12ယင်းနောက် ယေရှုစာ ဝိပဿနာကျောင်းတို့ ဝင်ရေခါ အရောင်းအဝယ်လုပ်နီသူ တစ်ယောက်မကျန်ကို နှင်ထုတ်လိုက်လီရေ။ အရာ သူစာ တန်းကား ဖနီသူရို့ ခုံတိန ခေါ် ရောင်းနီသူရို့ ထိုင်ကတ်စာ ခုံတိကို ပြန်ဘိုက်လိုက်လီရေ။ 13အရာ သူစာ ပြောလီရေ၊ “ကျမ်းစာမာ ထာဝရဘုရား ပြောလီရေ၊ ‘ငါ့အိမ်စာ ဆုတောင်းစာအိမ် ဖြစ်ရဖို့။’ ယေကေလည်း နင်ရို့စာ ထာဝရဘုရား၏ အိမ်ကို ဒါးမြအိမ်ပိုင် လုပ်ထားကတ်တေ!” 14ယင်းနောက် မျက်ကန်းရို့န အခြီသောင်ရို့စာ ဝိပဿနာကျောင်းထဲမာ ယေရှုတို့ လာကတ်လီရေ၊ အရာ ယေရှုစာ သူရို့ကို အကောင်း လုပ်လီရေ။ 15ယေရှု အံ့ဩဖွယ်အလုပ် လုပ်နီစာကို ယဇ်ပုရောဟိတ်အကြီးရို့န ကျမ်းဆရာရို့စာ မြင်ကတ်လီရေ။ အရာ သူရို့စာ ဝိပဿနာကျောင်းထဲမာ၊ “ဒါဝိဒ်မင်း၏ သားတော် ဟောရှဏ္ဏ ဖြစ်ပါစီ” ဟို့ အသျှေရို့ အားန အော်နီစာကို ကြားကတ်လီရေ။ 16သူရို့စာ ထိုအသျှေရို့ အော်ကတ်စာကို ကြားရေခါ စိတ်အနှောက်သျှက် ဖြစ်ရို့ ယေရှုကို ပြောကတ်လီရေ၊ “ထိုအသျှေရို့ ဇာ ပြောကတ်တေလည်းဆိုစာကို နင် မကြားလော?” ယေရှုစာ သူရို့ကို ပြောလီရေ၊ “ကြားရေ။ ကိုယ်ဘင်ရို့ ကျမ်းစာကို တစ်ခါလည်း မဖတ်ဖူးကတ်လော? ကျမ်းစာမာ ရွီးရို့ ဟိရေ၊ ‘ကိုယ်တော်စာ အသျှေရို့န နို့စို့သျှေရို့ကို ချီမွမ်းဖို့ သင်ပီးလီပါရေ။’” 17ယင်းနောက် သူစာ ထိုဂေါင်းဆောင်ရို့ကို ထားဘိုက်ခရို့ ဗေသနိရွာတို့ ကြွလီရေ အရာ သူစာ ယင်းရွာမာ ညဉ့်အိပ်လီရေ။
Copyright information for
RmzSC