Mat 21:23-27 | RmzSC | STEP | ယင်းနောက် ယေရှုစာ အရာတစ်ပြန် ဝိပဿနာကျောင်းတို့ ကြွလီရေ။ ယေရှုစာ ဝိပဿနာကျောင်းထဲမာ လူရို့ကို သွန်သင်ပီးနီလီရေခါ ယဇ်ပုရောဟိတ်အကြီးရို့န ဂေါင်းဆောင်ဝါကြီးရို့စာ သူ့တို့ လာရို့ မီးကတ်လီရေ၊ “နင် ဇာအခွင့်အာဏာန ဒေ အလုပ်တိကို လုပ်နီစာလည်း? အရာ နင့်ကို ဒေ အခွင့်အာဏာ အသူ ပီးစာလည်း?”

Matthew 21:23-27

ယေရှု၏ အခွင့်အာဏာကို စစ်ဆေးခြင်း

(မာကု ၁၁:၂၇-၃၃၊ လုကာ ၂၀:၁-၈)

23 ယင်းနောက် ယေရှုစာ အရာတစ်ပြန် ဝိပဿနာကျောင်းတို့ ကြွလီရေ။ ယေရှုစာ ဝိပဿနာကျောင်းထဲမာ လူရို့ကို သွန်သင်ပီးနီလီရေခါ ယဇ်ပုရောဟိတ်အကြီးရို့န ဂေါင်းဆောင်ဝါကြီးရို့စာ သူ့တို့ လာရို့ မီးကတ်လီရေ၊ “နင် ဇာအခွင့်အာဏာန ဒေ အလုပ်တိကို လုပ်နီစာလည်း? အရာ နင့်ကို ဒေ အခွင့်အာဏာ အသူ ပီးစာလည်း?” 24 ယင်းခါ ယေရှုစာ သူရို့ကို ပြောလီရေ၊ “ငါလည်းသောက် ကိုယ်ဘင်ရို့ကို စကားတစ်ခွန်း မီးမည်။ ကိုယ်ဘင်ရို့ ငါ့စကားကို အဖြေပီးနိုင်ရေဆိုကေ ငါ ဇာအခွင့်အာဏာန ဒေ အလုပ်တိကို လုပ်တေလည်းဆိုစာကို ငါလည်းသောက် ကိုယ်ဘင်ရို့ကို ပြောမည်။ 25 ပြောကြည့်န၊ ရီနှစ်မင်္ဂလာ ပီးဖို့စာအခွင့်အာဏာ ယောဟန် အသူ့က ရလီစာလည်း? ထာဝရဘုရားကလော၊ မဟုတ်ကေ လူကလော?” ယင်းခါ သူရို့စာ ကိုယ်ရို့အချင်းချင်း တိုင်ဘင်ကတ်လီရေ၊ “ငါရို့စာ၊ ‘ထာဝရဘုရားက ရလီရေ’ ဟို့ ပြောရေဆိုကေ ယင်းသူ ငါရို့ကို၊ ‘ယင်းပိုင်ဆိုကေ ကိုယ်ဘင်ရို့ ဇာဖို့ ယောဟန်ကို မကျုံလီကတ်စာလည်း’ ဟို့ ပြောဖို့။ 26 အရာ ငါရို့စာ၊ ‘လူက ရလီရေ’ ဟို့ ပြောရေဆိုကေ ငါရို့အတွက် ကြောက်လန့်စရာ ဟိရေ၊ အကြောင်းကား လူရို့ အားကုံးသူ ယောဟန်ကို ဘုရားသတင်းပို့သူတစ်ပါး ဖြစ်တေ ဟို့ ကျုံကတ်တေ။” 27 ယင်းအတွက်န သူရို့စာ ယေရှုကို အဖြေပီးကတ်လီရေ၊ “ငါရို့ မသိ။” ယင်းခါ ယေရှုစာ သူရို့ကို ပြောလီရေ၊ “ယင်းပိုင်ဆိုကေ ငါ ဇာအခွင့်အာဏာန ဒေ အလုပ်တိကို လုပ်တေလည်းဆိုစာကို ငါလည်းသောက် ကိုယ်ဘင်ရို့ကို မပြော။”