Mat 22:34-40 | RmzSC | STEP | ယေရှု စကားတိကို ဇဒ္ဒုကဲအဖွဲ့သားရို့ တစ်ခွန်းလည်း ဖြေဖို့မနိုင်ကတ်လီဆိုစာကို ဖာရိရှဲအဖွဲ့သားရို့စာ ကြားရကတ်လီရေ။ ယင်းအတွက်န သူရို့စာ တစ်စုတည်း စုပြီးကေ ယေရှုတို့ လာကတ်လီရေ။

Matthew 22:34-40

အရေးကြီးဆုံး ပညှတ်ချက်

(မာကု ၁၂:၂၈-၃၄)

34 ယေရှု စကားတိကို ဇဒ္ဒုကဲအဖွဲ့သားရို့ တစ်ခွန်းလည်း ဖြေဖို့မနိုင်ကတ်လီဆိုစာကို ဖာရိရှဲအဖွဲ့သားရို့စာ ကြားရကတ်လီရေ။ ယင်းအတွက်န သူရို့စာ တစ်စုတည်း စုပြီးကေ ယေရှုတို့ လာကတ်လီရေ။ 35 သူရို့အထဲက ကျမ်းဆရာတစ်ယောက်စာ ယေရှုကို စုံစမ်းဖို့အတွက် မီးလီရေ၊ 36 “ဆရာ၊ မောရှေ၏ ပညှတ်တရားအထဲမာ အားကုံးစာထက် အကြီးဆုံး ပညှတ်ချက် ဇာသျှင့်ပါလည်း?” 37 ယင်းခါ ယေရှုစာ သူ့ကို ပြောလီရေ၊ “‘နင်ရို့စာ ကိုယ်ရို့မာ ဟိသမျ နှလုံး၊ ဟိသမျ အသက် အရာ ဟိသမျ စိတ်န နင်ရို့ အသျှင်ထာဝရဘုရားကို ချစ်ကတ်ရဖို့။’ 38 ဒေသျှင့်စာ အားကုံးစာထက် အကြီးဆုံးန အရေးကြီးဆုံး ပညှတ်ချက် ဖြစ်တေ။ 39 ယင်းနောက် ဒုတိယ အရေးကြီးဆုံး ပညှတ်ချက် ဖြစ်တေကား၊ ‘နင့် အိမ်နားပါးသားကို ကိုယ့်ကိုပိုင် ချစ်ရဖို့။’ 40 မောရှေ၏ ဟိသမျ ပညှတ်တရားန ဘုရားသတင်းပို့သူရို့ ရွီးထားခစာ ဟိသမျ ကျမ်းတိစာ ဒေ ပညှတ်ချက်နှစ်ခုက လာရေ။”