Mat 26:6-13 | RmzSC | STEP | ယေရှုစာ ဗေသနိရွာမာ အနူရောဂါက ကောင်းသူ ရှိမုန် အိမ်မာ ဟိလီရေခါ မိန်းမတစ်ယောက် သူ့တို့ လာလီရေ။

Matthew 26:6-13

ယေရှု အဂေါင်းမာ ရီမွှီးဆီသွန်ခြင်း

(မာကု ၁၄:၃-၉၊ ယောဟန် ၁၂:၁-၈)

6 ယေရှုစာ ဗေသနိရွာမာ အနူရောဂါက ကောင်းသူ ရှိမုန် အိမ်မာ ဟိလီရေခါ မိန်းမတစ်ယောက် သူ့တို့ လာလီရေ။ 7 ယင်းမိန်းမစာ ကောင်းကောင်း တန်ဖိုးဟိစာ ရီမွှီးဆီကို တန်ဖိုးဟိစာ ကျောက်ဖြူဗူးတစ်လုံးမာ ထည့်ရို့ ယူလာလီရေ။ ယေရှု စားပွဲမာ ထိုင်လီရေခါ ယင်းမိန်းမစာ ထို ရီမွှီးဆီကို ယေရှု အဂေါင်းမာ သွန်လီရေ။ 8 ယင်းခါ တပည့်ရို့စာ ယင်းသျှင့်ကို မြင်ရို့ မန်ပါပြီးကေ ပြောကတ်လီရေ၊ “ဒေ တန်ဖိုးဟိစာ ရီမွှီးဆီကို ဇာဖို့ ဖျက်ဘိုက်စာလည်း? 9 ဒေ ရီမွှီးဆီကို ဈီးအများန ရောင်းရို့ တန်းကားတိကို ဆင်းရဲသားရို့ကို လှူဖို့ ရလီဖို့။” 10 ယေရှုစာ ထိုစကားတိကို နားလည်ရို့ တပည့်ရို့ကို ပြောလီရေ၊ “နင်ရို့ ဒေ မိန်းမကို ဇာဖို့ စိတ်ဒုက္ခ ပီးကတ်စာလည်း? သူကား ငါ့အတွက် ကောင်းမြတ်စာ အလုပ်ကို လုပ်နီရေ။ 11 ဆင်းရဲသားရို့ကား အမြဲတိုင်း နင်ရို့နအတူ ဟိကတ်တေ၊ ယေကေလည်း ငါကား အမြဲတိုင်း နင်ရို့နအတူ ဟိဖို့ မဟုတ်။ 12 ဒေ မိန်းမစာ ငါ့ခန္ဓာမာ ရီမွှီးဆီ သွန်ရို့ ငါ့ကို သင်္ဂြိုဟ်ဖို့အတွက် အဆင်သင့် လုပ်စာ ဖြစ်တေ။ 13 ငါ နင်ရို့ကို အမှန် ပြောရေ၊ ကမ္ဘာတစ်လုံးမာ သတင်းကောင်းကို ဟောပြောရေခါ ဒေ မိန်းမကို အောက်မိဖို့အတွက် သူလုပ်စာ အလုပ်အကြောင်းကိုလည်း ဟောပြောရလိမည်။”