Mat 8:23-27 | RmzSC | STEP | ယင်းနောက် ယေရှုစာ လောင်းတစ်စင်းမာ တက်လီရေ အရာ တပည့်ရို့လည်း သူနအတူ လိုက်လားခကတ်လီရေ။

Matthew 8:23-27

လီမုန်တိုင်းကို တန့်စီခြင်း

(မာကု ၄:၃၅-၄၁၊ လုကာ ၈:၂၂-၂၅)

23 ယင်းနောက် ယေရှုစာ လောင်းတစ်စင်းမာ တက်လီရေ အရာ တပည့်ရို့လည်း သူနအတူ လိုက်လားခကတ်လီရေ။ 24 လောင်းစာ မြစ်အလယ်မာ ရောက်လီရေခါ ဗြုန်းခနိုင်းပျင်ရို့ လီမုန်တိုင်းကြီးတစ်ခု တိုက်လာလီရေ။ ယင်းခါ ရီလှိုင်းလုံးကြီးရေအတွက်န ယင်းလောင်းစာ ရီမာ မြုတ်ဖို့ ပျင်လီရေ၊ ယေကေလည်း ယေရှုစာ လောင်းမာ အိပ်မောကျရို့ ဟိလီရေ။ 25 ယင်းခါ တပည့်ရို့စာ လားရို့ ယေရှုကို နှိုးကတ်လီရေ၊ “အသျှင်၊ အကျွန်ရို့ကို ကယ်ဆယ်ပါ။ အကျွန်ရို့ သီရပါဖို့ဗျာ!” 26 ယင်းခါ သူစာ တပည့်ရို့ကို ပြောလီရေ၊ “အဝေး ကျုံခြင်းတရား အားနည်းသူရို့၊ နင်ရို့ ဇာဖို့ ဒေလှောက် ကြောက်ကတ်စာလည်း?” ယင်းနောက် သူစာ ထရို့ လီန ရီလှိုင်းလုံးကို အားန ဟောက်ရို့ တန့်စီလီရေ။ ယင်းခါရာ ဟိသမျ အားကုံး ငြိမ်းလားခလီရေ။ 27 အရာ တပည့်ရို့စာ အံ့ဩရို့ ပြောကတ်လီရေ၊ “ဒေလူ ဇာပိုင်ဇတ် လူလည်း? လီန ရီလှိုင်းလုံး တိုင်အောင်ပင် သူ့စကားကို နားထောင်ရေကား!”