Jonah 2
Lɔga Allinɛnɛa Yonas ko Tumu
1Na huna iho urgusiyɔ kɛngɔye, ogolu Komoruya nɛnɛ Tumu 2na sɛɛsɛ,“Tumuye, hunaa wa kihi chɔllaɔ, anna kelienyo
na shigonyo na yagaganyo lɔgɔ
bhɛa chɔɔ karɛi wuy logɔ tugɔ.
3Na ujjugaganyo bhɛa bo hɔra
na kɛtɛwa surr yirisiyɔ toye
bhɛa uturronɛa ma na ma toya bhɔ.
4Na hɛ ko anna kègendɛa dhul.
Nɔ dha ale kori doraa nunu barara sɛgɛn.
5Na gɔytany ma na ngani ngakoronyo.
Na chɛbtany dagalinyaa ɛlla yirisiyɔ dhis dhis.
6Na kɔgɔyɛu surr kutulɔ sugumɔ
bhɛa kɔbɔnga ngakobhonsanɛayo dhul.
Na nɔng Komoruya nanu Tumu
inye obhonisionyɔ logɔ tugɔ na kabawa.
7Na hunaa ketewa rɛsiye,
kagadhainyɔ inye na kogolinyɔ.
Na lɔga ganyu ago surr doraa nunu barara
na shigonyo.
8Zukte ibhbhɛ aha gena ke barariye
dha dhɔttɛ chaldina nunu bo challa seni aynɛ.
9Nɔng anye keterisanniny inye na kudulaginy go
na kurrugɛsɛn lɔga bɔɔ kibhiikko ko inye.
Hira ibbaysi zugo
ani ꞉inyo sɔng.” 10Na nɔng tumu aynɛ urgusi lɔgɔ na koo taharɛsɛ Yonas yirisi tugɔ bhɛa dhɔrɔgɔsa.
Copyright information for
SuqSC