Mat 4:18-23 | SwhKC | STEP | Isa alipokuwa anatembea kando ya Bahari ya Galilaya, aliwaona ndugu wawili, Simoni aitwaye Petro, na Andrea ndugu yake. Walikuwa wakizitupa nyavu zao baharini kwa kuwa wao walikuwa wavuvi.

‏ Matthew 4:18-23

18 ^aIsa alipokuwa anatembea kando ya Bahari ya Galilaya, aliwaona ndugu wawili, Simoni aitwaye Petro, na Andrea ndugu yake. Walikuwa wakizitupa nyavu zao baharini kwa kuwa wao walikuwa wavuvi. 19 ^bIsa akawaambia, “Njooni, nifuateni nami nitawafanya mwe wavuvi wa watu.” 20 ^cMara wakaziacha nyavu zao, wakamfuata.

21 ^dAlipoendelea mbele kutoka pale, akawaona ndugu wengine wawili, Yakobo mwana wa Zebedayo na Yohana nduguye, wakiwa wamekaa kwenye mashua pamoja na baba yao Zebedayo, wakizitengeneza nyavu zao. Isa akawaita. 22 ^eNao mara wakaiacha mashua yao, pamoja na baba yao, wakamfuata.

Isa Ahubiri Na Kuponya Wagonjwa

(Luka 6:17-19)

23 ^fIsa akapita katika Galilaya yote, akifundisha katika masinagogi yao, akihubiri habari njema za Ufalme, na akiponya kila ugonjwa na kila aina ya maradhi miongoni mwa watu.