‏ Proverbs 3

Faida Nyingine Za Hekima

1 ^aMwanangu, usisahau mafundisho yangu,
bali zitunze amri zangu moyoni mwako,

2 ^bkwa kuwa zitakuongezea miaka mingi ya maisha yako
na kukuletea mafanikio.

3 ^cUsiache kamwe upendo na uaminifu vitengane nawe;
vifunge shingoni mwako,
viandike katika ubao wa moyo wako.

4 ^dNdipo utapata kibali na jina zuri
mbele za Mungu na mwanadamu.

5 ^eMtumaini Bwana kwa moyo wako wote
wala usizitegemee akili zako mwenyewe;

6 ^fkatika njia zako zote mkiri yeye,
naye atayanyoosha mapito yako.

7 ^gUsiwe mwenye hekima machoni pako mwenyewe;
mche Bwana ukajiepushe na uovu.

8 ^hHii itakuletea afya mwilini mwako,
na mafuta kwenye mifupa yako.

9 ⁱMheshimu Bwana kwa mali zako na
kwa malimbuko ya mazao yako yote;

10 ^jndipo ghala zako zitakapojaa hadi kufurika,
viriba vyako vitafurika kwa mvinyo mpya.

11 ^kMwanangu, usiidharau adhabu ya Bwana
na usichukie kukaripiwa naye,

12 ^lkwa sababu Bwana huwaadibisha wale awapendao,
kama vile baba afanyavyo
kwa mwana apendezwaye naye.

13 ^mHeri mtu yule aonaye hekima,
mtu yule apataye ufahamu,

14 ⁿkwa maana hekima ana faida kuliko fedha
na mapato yake ni bora kuliko ya dhahabu safi.

15 ^oHekima ana thamani kuliko marijani;
hakuna chochote unachokitamani
kinachoweza kulinganishwa naye.

16 ^pMaisha marefu yako katika mkono wake wa kuume;
katika mkono wake wa kushoto
kuna utajiri na heshima.

17 ^qNjia zake zinapendeza,
mapito yake yote ni amani.

18 ^rYeye ni mti wa uzima kwa wale wanaomkumbatia;
wale wamshikao watabarikiwa.

19 ^sKwa hekima Bwana aliiweka misingi ya dunia,
kwa ufahamu aliziweka mbingu mahali pake;

20 ^tkwa maarifa yake vilindi viligawanywa,
nayo mawingu yanadondosha umande.

21 ^uMwanangu, hifadhi maamuzi mema na busara,
usiache vitoke machoni pako;

22 ^vndipo vitakapokuwa uzima nafsini mwako
na pambo la neema shingoni mwako.

23 Kisha utaenda katika njia yako salama,
wala mguu wako hautajikwaa;

24 ^wulalapo, hautaogopa;
ulalapo usingizi wako utakuwa mtamu.

25 ^xUsiogope maafa ya ghafula
au maangamizi yanayowapata waovu,

26 ^ykwa kuwa Bwana atakuwa tumaini lako
na kuepusha mguu wako kunaswa katika mtego.

27 ^zUsizuie wema kwa wale wanaostahili
ikiwa katika uwezo wako kutenda.

28 ^aaUsimwambie jirani yako,
“Njoo baadaye, nitakupa kesho”:
wakati wewe unacho kitu kile karibu nawe.

29 ^abUsifanye hila ya kumdhuru jirani yako,
ambaye anaishi karibu na wewe akikuamini.

30 ^acUsimshtaki mtu bila sababu,
wakati hajakutenda dhara lolote.

31 ^adUsimwonee wivu mtu mwenye jeuri
wala kuchagua njia yake iwayo yote,

32 ^aekwa kuwa Bwana humchukia mtu mpotovu,
lakini siri yake iko kwa mwenye haki.

33 ^afLaana ya Bwana i juu ya nyumba ya mwovu,
lakini yeye huibariki nyumba ya mwenye haki.

34 ^agHuwadhihaki wale wanaodhihaki,
lakini huwapa neema wale wanyenyekevu.

35 Wenye hekima hurithi heshima,
bali huwaaibisha wapumbavu.