Psa 45:8-13 | SwhKC | STEP | Mavazi yako yote yana harufu nzuri ya manemane, udi na mdalasini; kutoka kwenye majumba ya kifalme yaliyopambwa kwa pembe za ndovu, sauti za vinanda vya nyuzi zinakufanya ufurahi.

Psalms 45:8-13

8 ^aMavazi yako yote yana harufu nzuri
ya manemane, udi na mdalasini;
kutoka kwenye majumba ya kifalme
yaliyopambwa kwa pembe za ndovu,
sauti za vinanda vya nyuzi
zinakufanya ufurahi.

9 ^bBinti za wafalme ni miongoni mwa wanawake wako waheshimiwa;
kuume kwako yupo bibi arusi malkia aliyevaa dhahabu ya Ofiri.

10 ^cSikiliza, ewe binti, fikiri na utege sikio:
Sahau watu wako na nyumba ya baba yako.

11 ^dMfalme ameshangazwa na uzuri wako;
mheshimu, kwa kuwa yeye ni bwana wako.

12 ^eBinti wa Tiro atakuletea zawadi,
watu wenye utajiri watatafuta upendeleo wako.

13 ^fUtukufu wote una binti mfalme katika chumba chake;
vazi lake limefumwa kwa nyuzi za dhahabu.