‏ Proverbs 7

Onyo Dhidi Ya Mwanamke Mzinzi

1 ^aMwanangu, shika maneno yangu
na kuzihifadhi amri zangu ndani yako.
2 ^bShika amri zangu nawe utaishi;
linda mafundisho yangu kama mboni ya jicho lako.
3 ^cYafunge katika vidole vyako;
yaandike katika kibao cha moyo wako.
4Mwambie hekima, “Wewe ni dada yangu,”
uite ufahamu jamaa yako;
5 ^dwatakuepusha na mwanamke mzinzi,
kutokana na mwanamke mpotovu
na maneno yake ya kubembeleza.

6Kwenye dirisha la nyumba yangu
nilitazama nje kupitia upenyo
kwenye mwimo wa dirisha.
7 ^eNiliona miongoni mwa wajinga,
nikagundua miongoni mwa wanaume vijana,
kijana asiye na akili.
8Alikuwa akishuka njiani karibu na pembe ya kwake,
akielekea kwenye nyumba ya huyo mwanamke
9 ^fwakati wa machweo, jua likipungua nuru yake,
giza la usiku lilipokuwa likiingia.

10 ^gNdipo huyo mwanamke akatoka kumlaki,
hali amevaa kama kahaba akiwa na nia ya udanganyifu.
11 ^h(Ni mwanamke mwenye makelele na mkaidi,
miguu yake haitulii nyumbani;
12 ⁱmara kwenye barabara za mji,
mara kwenye viwanja vikubwa,
kwenye kila pembe huvizia.)
13 ^jHuyo mwanamke alimkumbatia kijana na kumbusu,
na kwa uso usio na haya akamwambia:

14 ^k“Nina sadaka za amani nyumbani;
leo nimetimiza nadhiri zangu.
15Kwa hiyo nimetoka nje kukulaki;
nimekutafuta na nimekupata!
16 ^lNimetandika kitanda changu
kwa kitani za rangi kutoka Misri.
17 ^mNimetia manukato kitanda changu
kwa manemane, udi na mdalasini.
18 ⁿNjoo, tuzame katika mapenzi mpaka asubuhi;
tujifurahishe wenyewe kwa mapenzi!
19Mume wangu hayupo nyumbani;
amekwenda safari ya mbali.
20Amechukua mkoba uliojazwa fedha
na hatakuwepo nyumbani karibuni.”

21 ^oKwa maneno laini yule mwanamke akampotosha;
alimshawishi kwa maneno yake laini.
22 ^pMara huyo kijana alimfuata yule mwanamke
kama fahali aendaye machinjoni,
kama kulungu aingiaye kwenye kitanzi,
23 ^qmpaka mshale umchome ini lake,
kama ndege anayenaswa kwenye mtego,
bila kujua itamgharimu maisha yake.

24 ^rSasa basi wanangu, nisikilizeni;
sikilizeni kwa makini nisemalo.
25 ^sUsiruhusu moyo wako ugeukie njia za huyo mwanamke,
wala usitangetange katika mapito yake.
26 ^tAliowaangusha ni wengi;
aliowachinja ni kundi kubwa.
27 ^uNyumba yake ni njia kuu iendayo kaburini, ▼

▼Kaburini hapa maana yake ni Kuzimu, kwa Kiebrania ni Sheol.

ielekeayo chini kwenye vyumba vya mauti.