Psa 115 | SwhNEN | STEP | Sio kwetu sisi, Ee Bwana , sio kwetu sisi, bali utukufu ni kwa jina lako, kwa sababu ya upendo na uaminifu wako.

‏ Psalms 115

Mungu Mmoja Wa Kweli

1 ^aSio kwetu sisi, Ee Bwana, sio kwetu sisi,
bali utukufu ni kwa jina lako,
kwa sababu ya upendo
na uaminifu wako.

2 ^bKwa nini mataifa waseme,
“Yuko wapi Mungu wao?”
3 ^cMungu wetu yuko mbinguni,
naye hufanya lolote limpendezalo.
4 ^dLakini sanamu zao ni za fedha na dhahabu,
zilizotengenezwa kwa mikono ya wanadamu.
5 ^eZina vinywa, lakini haziwezi kusema,
zina macho, lakini haziwezi kuona;
6 zina masikio, lakini haziwezi kusikia,
zina pua, lakini haziwezi kunusa;
7 zina mikono, lakini haziwezi kupapasa,
zina miguu, lakini haziwezi kutembea;
wala koo zao haziwezi kutoa sauti.
8 ^fWale wanaozitengeneza watafanana nazo,
vivyo hivyo wale wote wanaozitumainia.

9 ^gEe nyumba ya Israeli, mtumainini Bwana,
yeye ni msaada na ngao yao.
10 ^hEe nyumba ya Aroni, mtumainini Bwana,
yeye ni msaada na ngao yao.
11 ⁱNinyi mnaomcha, mtumainini Bwana,
yeye ni msaada na ngao yao.

12 ^j Bwana anatukumbuka na atatubariki:
ataibariki nyumba ya Israeli,
ataibariki nyumba ya Aroni,
13 ^katawabariki wale wanaomcha Bwana,
wadogo kwa wakubwa.

14 ^l Bwana na awawezeshe kuongezeka,
ninyi na watoto wenu.
15 ^mMbarikiwe na Bwana
Muumba wa mbingu na dunia.

16 ⁿMbingu zilizo juu sana ni mali ya Bwana,
lakini dunia amempa mwanadamu.
17 ^oSio wafu wanaomsifu Bwana,
wale washukao mahali pa kimya, ^{▼▼Mahali pa kimya maana yake ni Kuzimu, yaani Sheol kwa Kiebrania.}
18 ^qbali ni sisi tunaomtukuza Bwana,
sasa na hata milele.

Msifuni Bwana. ^{▼▼Msifuni Bwana ni Kiebrania Hallelu Yah.}