‏ Psalms 7

Sala Ya Mtu Anayedhulumiwa

Ombolezo la Daudi kwa Bwana kwa sababu ya Kushi, Mbenyamini.

1 ^aEe Bwana, Mungu wangu, ninakukimbilia wewe,
uniokoe na kunikomboa na wote wanaonifuatia,
2 ^bla sivyo watanirarua kama simba
na kunichana vipande vipande, asiwepo wa kuniokoa.

3 ^cEe Bwana, Mungu wangu, kama nimetenda haya
na kuna hatia mikononi mwangu,
4 ^dau ikiwa nimemtenda uovu aliye na amani nami,
au nimemnyangʼanya adui yangu pasipo sababu,
5 ^ebasi adui anifuatie na kunipata,
auponde uhai wangu ardhini
na kunilaza mavumbini.

6 ^fAmka kwa hasira yako, Ee Bwana,
inuka dhidi ya ghadhabu ya adui zangu.
Amka, Mungu wangu, uamue haki.
7 ^gKusanyiko la watu na likuzunguke.
Watawale kutoka juu.
8 ^h Bwana na awahukumu kabila za watu.
Nihukumu Ee Bwana,
kwa kadiri ya haki yangu,
kwa kadiri ya uadilifu wangu,
Ewe Uliye Juu Sana.
9 ⁱEe Mungu mwenye haki,
uchunguzaye mawazo na mioyo,
komesha ghasia za waovu
na ufanye wenye haki waishi kwa amani.

10 ^jNgao langu ni Mungu Aliye Juu Sana,
awaokoaye wanyofu wa moyo.
11 ^kMungu ni mwamuzi mwenye haki,
Mungu aghadhibikaye kila siku.
12 ^lKama hakutuhurumia,
atanoa upanga wake,
ataupinda na kuufunga uzi upinde wake.
13 ^mAmeandaa silaha zake kali,
ameweka tayari mishale yake ya moto.

14 ⁿYeye aliye na mimba ya uovu
na achukuaye mimba ya ghasia huzaa uongo.
15 ^oYeye achimbaye shimo na kulifukua
hutumbukia katika shimo alilochimba mwenyewe.
16 ^pGhasia azianzishazo humrudia mwenyewe,
ukatili wake humrudia kichwani.

17 ^qNitamshukuru Bwana kwa ajili ya haki yake,
na nitaliimbia sifa jina la Bwana Aliye Juu Sana.