‏ Nehemiah 11

Vokukavata Ieruharemini qaiqaa ani vaura

1Vi entara Isareri vika nora vaiinti navu Ieruharemini oru vaumanta Isareri airitahaa kia Ieruharemini vairaiti, vika Ieruharemi aaqaini vo vatuka vo vatukaini vaura. Ho Isareri vokikavata katu vare Ieruharemini oru variate ti, vikasatu arukeha naavu 9navuqi vauka aatarakeha vohaa naavuqi vauka kaamateha, vikara nenavu katu vare Ieruharemini oru variate, tivakehasatu aruqi vumanta vo naavu vo naavuqi vauka nái navunaaka mini keha, katu vare Ieruharemini Kotira vatukaqi oru vura.

 2Mintumanta vo naavu vo naavuqi vauka vikavata tiha, Tenavuvata katu vare vuataa iraqe Ieruharemini virerave, tumanta Isareri vikaravata quaha keha koqeve tura.

 3Hini Isareri Ieruharemiqi vaumanta hini Isareri nái vatuka, vo vatuka vo vatukaini vaura. Qaqi vaiinti nahentive, Kotira kaiqa vara amite vauka vonavuve, Rivaira ankuve, Kotira Naavuqi kaiqa vare vaukave, Soromonura kaiqa vaiinti vika naintinavuve, vika vo vatuka vo vatukaini vaiha nai vata nai vataqaa vaura.

Iutaa vataini Ieruharemini nora vaiintinavu vauka, vika nutu maantimama vairo:

 4Nora vaiinti taaraqanta Iutaara ankuqihai Ataiaaka Maseaaka vaura. Ataiaara okara maantimama vairo:

  • Ataiaara qova Usiava vauvaro
  • vira qova Sekaraiaava vauvaro
  • vira qova Amariaava vauvaro
  • vira qova Sefatiaava vauvaro
  • vira qova Mahalaleliva vaura.
  • Mahalaleliva Peresira anku vaura.
 5Maseaara okara maantimama vairo:

  • Maseaara qova Barukiva vauvaro
  • vira qova Kolu-Hoseva vauvaro
  • vira qova Hasaiaava vauvaro
  • vira qova Adaiaava vauvaro
  • vira qova Joiaripiva vauvaro
  • vira qova Sekaraiaava vauvaro
  • vira qova Selaara anku vaura.
 6Peresira vaintivara Ieruharemini vauka vaireka, 468 vaiinti kempuka iqoka vaiintinavu vaura.

 7Benaminira ankuqihai maa vaiintinavuka nora vaiintinavu vaura:

  • Saluva vo, Gabaiva vo, Salaiva vo, Joeliva vo, Judaava vo, vaura.
  • Saluva vaumanta Gabaika Salaikaa vira vohaa naare vaura.
  • Salura qova Mesulaamiva vauvaro
  • vira qova Joetiva vauvaro
  • vira qova Pedaiaava vauvaro
  • vira qova Kolaiaava vauvaro
  • vira qova Maseaava vauvaro
  • vira qova Itieliva vauvaro
  • vira qova Jesaiaava vaura.
Benaminira anku Ieruharemini vauka vaireka, 928 vaiintinavu vaura. Vika vauvaro Sikarira maaqu Joeliva vika nora vaiinti vauvaro Hasenuaara maaqu Judaava Ieruharemininampa 2 vatukaqaa raqiki vaura.

 10Kotira kaiqa vara amite vau vaiintinavuka vika nora vaiintinavu maantima vaura:

  • Joiaripira maaqu Jedaiaava, Jakiniva,
 11
  • Seraiaava.
Seraiaara okara maantimama vairo:

  • Seraiaara qova Hilikiava vauvaro
  • vira qova Mesulaamiva vauvaro
  • vira qova Sadokiva vauvaro
  • vira qova Meraiotiva vauvaro
  • vira qova Ahitupiva vaura. Ahitupiva Kotira kaiqa vara amite vau vaiintikaqihairo qiata vaiintivano vaura.
 12Vi entara Kotira Naavuqi Kotira kaiqa vara amite vau vaiintika 822navu vaura.

Adaiaava nora vaiinti vovano vaura. Vira okara maantimama vairo:

  • Adaiaara qova Jerohaamuva vauvaro
  • vira qova Pelaliaava vauvaro
  • vira qova Amasiva vauvaro
  • vira qova Sekaraiaava vauvaro
  • vira qova Pasuriva vauvaro
  • vira qova Malakiaava vaura.
 13Vi ankukaqihai 242 vaiintinavu nai naavu nai naavuqi vaukaqaa raqiki vaura.

Amasaiva nora vaiinti vovano vaura. Vira okara maantimama vairo:

  • Amasaira qova Asareliva vauvaro
  • vira qova Asaiva vauvaro
  • vira kaivaqava vo Mesilemotiva vauvaro vira kaivaqava vo Imeva vaura.
 14Vi ankukaqihai 128 vaiinti kempuka iqoka vaiintinavu vauvaro vika qiata vaiinti Hagedolimura maaqu Sapadieliva vaura.

 15Rivaira ankuqihai vika nora vaiintinavu maantima vaura:

  • Semaiaava. Semaiaara okaravano maantimama vairo:
  • Semaiaara qova Hasupuva vauvaro
  • vira qova Asarikaamuva vauvaro
  • vira kaivaqava vo Hasabiaava vauvaro
  • vira kaivaqava vo Buniva vaura.
 16
  • Sabetaika Josabaatika.
  • Vitanta náitanta kena Rivaira anku vika qiata vaiintitanta vaiha, Kotira Naavu naanteqaraini kaiqa vare vau vaiintikaqaa raqiki vaura.
 17
  • Mataniava. Mataniara qova Mikaava vauvaro Mikaara qova Sapadiva vauvaro Sapadira kaivaqava Asaapiva vaura. Mataniava Kotira Naavuqi vaiharo vo vaiintinavuqaa raqiki vaumanta vinavuka ihi tiha Kotira aareha virara koqema iaro tivakeha vira quahama amite vaura.
  • Bakabukiaava. Bakabukiaava Mataniara kahaqi vau vaiintivama vaura.
  • Apadaava. Apadaara qova Samuaava vauvaro Samuaara qova Galaaliva vauvaro Jedutuniva vira kaivaqava vaura.
 18Kotira vatuka Ieruharemiqi Rivaira anku 284 vaiintinavu vaura.

 19Kotira Naavu qentiqaa maimaraara raqiki vau vaiintika vika qiata vaiinti vaireka, maantima vaura:

  • Akupiva, Talamoniva. Vika anku 172 vaiintinavu vaura.
 20Isareri vaiinti nahenti hinikukave, Kotira kaiqa vara amite vauka hinikukave, Rivaira anku hinikukave, vika Iutaini vo vatuka vo vatukaqi vaiha, nai vataqaa nai vataqaa raqikiha vaura.

 21Kotira Naavuqi kaiqa vare vau vaiintika, vika Ieruharemini Ofelive tunaini vaumanta Sihaaka Gisapaaka vika kaiqaqaa raqiki vaura.

 22Rivaira anku vika qiata vaiinti Usiva Ieruharemini vaura. Usira okara maantimama vairo:

  • Usira qova Baniva vauvaro
  • vira qova Hasabiaava vauvaro
  • vira kaivaqava vo Asaapiva vauvaro
  • vira kaivaqava vo Mataniava vauvaro
  • vira kaivaqava vo Mikaava vaura.
Asaapira ankuqiraaka Kotira Naavuqi ihi ti vau vaiintika vaura. 23Avuhainaa vaiinti viva vika kaiqara iriharo minti mintimake kaiqa varaate tumantara ti, vo enta vo enta vika viva tivatora avataqi vi vaura.

 24Vaiinti vo Mesesabelira maaqu Petahiaava Pesia vataini avuhainaaraopisiqi vaiharo Isareri vikara iriharo vika kaiqa kahaqama nimite vauva vaura. Petahiaara kaivaqava vo Seraava vauvaro Iutaava Seraara qova vaura.

Vo vatuka vo vatukaqi vaukara tura

25Airi vaiinti nahenti nái kaiqave naahove vaura tataaqa vo vatuka vo vatukaqi vaura. Iutaara anku hinikuka, Kiriati-Aba vatukave, Diboni vatukave, Jekapaseli vatukave, vi vatukara tataaqa vau vatukaraqivata, vaura.

 26Iutaara anku hininavu vo vatukanavu Jesuaave, Moladaave, BetiPeletive, 27Hasa-Suaalive, Besebave, Beseba tataaqa ututumate vau vatukanavurave, viraqi viraqi vaumanta 28hinikuka vatuka vonavu Sikiraakive, Mekonaave, Mekonaa tataaqa vau vatukarave, viraqi viraqi vaumanta 29vokuka vatuka vonavu Eni-Rimonive, Soraave, Jamutuve 30Sanoaave, Adulaamuve, viraqi viraqivata, vi vatukara tataaqa vau vatukaraqivata, vaumanta hinikuka Lakisiqi vaumanta hinikuka Lakisi tataaqa vau vataraqaa vaumanta hinikuka Asekaaqi vaumanta hinikuka Asekaa tataaqa vau vataraqaa vaura. Iutaara ankunavu mintimake viraqi viraqi vaura.

Vika varia vatava vaireva,sauti mantara Beseba vatukaihairo oru viviro,noti mantaraini Hinomu Uqitaini vuru taiqora.

 31Mintumanta Benaminira anku hinikuka vatuka vonavu Gebave, Mikimaasive, Aiyaave, Betelive, mini vaumanta hinikuka Beteli tataaqa vau vatukaraqi vaura.

 32Hinikuka vatuka vonavu Anatotive, Nopive, Ananiaave, 33Hasove, Ramaave, Gitaimuve, 34Haditive, Seboimuve, Nebalaative, 35Lotive, Onove, mini mini vaumanta vokuka uqitaini, Ge-Harasimive tunaini vaura.

 36Vi entara Rivaira anku hinikuka Iutaara ankunavu vau vataraqaa vaumanta nora vaiintinavu vikara mintima ti: Ne katu vare oru Benaminira ankunavu varianaini variate, tumanta vika nora vaiintinavu tuntemake, katu vare mini Benaminira ankunavu hampata oru vaura.
Copyright information for TBG