aPsa 2.7
b2 Sam 7.14
cDeut 32.43
dPsa 104.4
ePsa 45.6–7
fPsa 102.25–27
gPsa 110.1

‏ Hebrews 1

Iesu Kr̃isto Enia Natun God

1Tuai tiroma, God mo retireti vaha visa moiso, ale na malele matuvana isana nor̃a pua na nona pr̃ovet, 2pani hin la pongi hitahu nike, enia mo pete retireti moiso isar̃a hin Natuna tataholo, God mo vir̃onia vara hinau tari enira koruna, ale hinia sei God mo vai na varama. 3Natuna enia sasarami meran God, ale enia tovongina tataholo r̃a er̃i hitea, ale enia suiha sei mo vai na hinau tari la lo toho na nona reti suiha. Ale hin rani atu mo isoiso na nona vavahinau mata vair̃a r̃a vokevoke na hehe, mo sahe mo sakele na tavalu liman God mata suiha tavera jea aulu na tuka.

Kr̃isto Enia Mo Jeu Na Angelo

4Harihi mo vujangia vara Natun God enia mo aulu mo jeu na angelo, sohen hija atu sei God mo silea isana sei mo aulu jea na hijara. 5Matan God mo sopo verea isan te angelo na sava mo verea isan Iesu sei mara:

‘Engko natu, natuku.
Nahapani enau na mai Tamam.’
a
Ale God mo mele verea mara,

‘Enau a pa tamana,
ale enia i pa natuku.’ b
 6Ale hin rani atu mara mo lavi Natuna vora tiroma mo unu na varama mo verea mara,

‘Angelo tari la pa lotua!’ c
 7Ale mo retireti mata angelo mara,

‘Mo vai na nona angelo la sohena langi,
ale enira la volitusi purongo sei
mo vaira na pepe hapu.’ d
 8Pani isan natuna mo vere na reti matea mo aulu jea matana mara,

‘God, nom jara sakele mata suiha,
enia i pa toho tui tui tarea.
Nom suiha mata Supe Aulu
mo pala na hinau mo tataholo.
 9Engko ko opoi na sava mo tataholo,
ale ko r̃ohu na sava mo sasati.
Matan haratu God, enau nom God na vir̃oniho,
na surei na wel mata noku avulahi isam mo jeu na angelo.’ e
 10Ale mo mele verea mara,

‘Moli, na tapulo vavahinau na varama,
engko ko tau na pulon varama nike,
ale tuka enira vua nom vavahinau.
 11Hina purongo vara enira la pa tihai,
pani engko o pa toho jejeu.
Enira la pa r̃ovo sohena ruru tuai.
 12O pa virivirira sohena tavalu ruru tuai,
enira la pa posi,
pani engko o pa lo sohena tarea,
o pa sopo er̃i vajiaha.’ f
 13Ale God mo sopo retireti isana angelo sohen mo verea isan Natuna mara,

‘O sakele na jara suiha na matuaku
vavano a vai na nom meresahi
la toho na ruhuruhu palom!’ g
 14Pani mo verea mata angelo vara enira volitusi purongo sei mo lo r̃ulera vara la lo matahi la haratu sei God i pa jurira.
Copyright information for TGP