Lamentations 5
1זְכֹר יְהוָה מֶֽה־הָיָה לָנוּ הַבֵּיט ▼▼For Ketiv הַבֵּיט Qere= הַבִּיטָה
וּרְאֵה אֶת־חֶרְפָּתֵֽנוּ׃ 2נַחֲלָתֵנוּ נֶֽהֶפְכָה לְזָרִים בָּתֵּינוּ לְנָכְרִֽים׃ 3יְתוֹמִים הָיִינוּ אֵין ▼▼For Ketiv אֵין Qere= וְאֵין
אָב אִמֹּתֵינוּ כְּאַלְמָנֽוֹת׃ 4מֵימֵינוּ בְּכֶסֶף שָׁתִינוּ עֵצֵינוּ בִּמְחִיר יָבֹֽאוּ׃ 5עַל צַוָּארֵנוּ נִרְדָּפְנוּ יָגַעְנוּ לֹא ▼▼For Ketiv לֹא Qere= וְלֹא
הֽוּנַח לָֽנוּ׃ 6מִצְרַיִם נָתַנּוּ יָד אַשּׁוּר לִשְׂבֹּעַֽ לָֽחֶם׃ 7אֲבֹתֵינוּ חָֽטְאוּ אֵינָם ▼▼For Ketiv אֵינָם Qere= וְאֵינָם
אֲנַחְנוּ ▼▼For Ketiv אֲנַחְנוּ Qere= וַאֲנַחְנוּ
עֲוֺנֹתֵיהֶם סָבָֽלְנוּ׃ 8עֲבָדִים מָשְׁלוּ בָנוּ פֹּרֵק אֵין מִיָּדָֽם׃ 9בְּנַפְשֵׁנוּ נָבִיא לַחְמֵנוּ מִפְּנֵי חֶרֶב הַמִּדְבָּֽר׃ 10עוֹרֵנוּ כְּתַנּוּר נִכְמָרוּ מִפְּנֵי זַלְעֲפוֹת רָעָֽב׃ 11נָשִׁים בְּצִיּוֹן עִנּוּ בְּתֻלֹת בְּעָרֵי יְהוּדָֽה׃ 12שָׂרִים בְּיָדָם נִתְלוּ פְּנֵי זְקֵנִים לֹא נֶהְדָּֽרוּ׃ 13בַּחוּרִים טְחוֹן נָשָׂאוּ וּנְעָרִים בָּעֵץ כָּשָֽׁלוּ׃ 14זְקֵנִים מִשַּׁעַר שָׁבָתוּ בַּחוּרִים מִנְּגִינָתָֽם׃ 15שָׁבַת מְשׂוֹשׂ לִבֵּנוּ נֶהְפַּךְ לְאֵבֶל מְחֹלֵֽנוּ׃ 16נָֽפְלָה עֲטֶרֶת רֹאשֵׁנוּ אֽוֹי־נָא לָנוּ כִּי חָטָֽאנוּ׃ 17עַל־זֶה הָיָה דָוֶה לִבֵּנוּ עַל־אֵלֶּה חָשְׁכוּ עֵינֵֽינוּ׃ 18עַל הַר־צִיּוֹן שֶׁשָּׁמֵם שׁוּעָלִים הִלְּכוּ־בֽוֹ׃פ 19אַתָּה יְהוָה לְעוֹלָם תֵּשֵׁב כִּסְאֲךָ לְדֹר וָדֽוֹר׃ 20לָמָּה לָנֶצַח תִּשְׁכָּחֵנוּ תַּֽעַזְבֵנוּ לְאֹרֶךְ יָמִֽים׃ 21הֲשִׁיבֵנוּ יְהוָה׀ אֵלֶיךָ וְנָשׁוּב ▼▼For Ketiv וְנָשׁוּב Qere= וְֽנָשׁוּבָה
חַדֵּשׁ יָמֵינוּ כְּקֶֽדֶם׃ 22כִּי אִם־מָאֹס מְאַסְתָּנוּ קָצַפְתָּ עָלֵינוּ עַד־מְאֹֽד׃
Copyright information for
THOT