Nehemiah 10
1 ▼▼English Ref=9.38
וּבְכָל־זֹאת אֲנַחְנוּ כֹּרְתִים אֲמָנָה וְכֹתְבִים וְעַל הֶֽחָתוּם שָׂרֵינוּ לְוִיֵּנוּ כֹּהֲנֵֽינוּ׃ 2 ▼▼English Ref=10.1
וְעַל הַחֲתוּמִים נְחֶמְיָה הַתִּרְשָׁתָא בֶּן־חֲכַלְיָה וְצִדְקִיָּֽה׃ 3 ▼▼English Ref=10.2
שְׂרָיָה עֲזַרְיָה יִרְמְיָֽה׃ 4 ▼▼English Ref=10.3
פַּשְׁחוּר אֲמַרְיָה מַלְכִּיָּֽה׃ 5 ▼▼English Ref=10.4
חַטּוּשׁ שְׁבַנְיָה מַלּֽוּךְ׃ 6 ▼▼English Ref=10.5
חָרִם מְרֵמוֹת עֹֽבַדְיָֽה׃ 7 ▼▼English Ref=10.6
דָּנִיֵּאל גִּנְּתוֹן בָּרֽוּךְ׃ 8 ▼▼English Ref=10.7
מְשֻׁלָּם אֲבִיָּה מִיָּמִֽן׃ 9 ▼▼English Ref=10.8
מַֽעַזְיָה בִלְגַּי שְׁמַֽעְיָה אֵלֶּה הַכֹּהֲנִֽים׃ס 10 ▼▼English Ref=10.9
וְֽהַלְוִיִּם וְיֵשׁוּעַ בֶּן־אֲזַנְיָה בִּנּוּי מִבְּנֵי חֵנָדָד קַדְמִיאֵֽל׃ 11 ▼▼English Ref=10.10
וַאֲחֵיהֶם שְׁבַנְיָה הֽוֹדִיָּה קְלִיטָא פְּלָאיָה חָנָֽן׃ 12 ▼▼English Ref=10.11
מִיכָא רְחוֹב חֲשַׁבְיָֽה׃ 13 ▼▼English Ref=10.12
זַכּוּר שֵׁרֵֽבְיָה שְׁבַנְיָֽה׃ 14 ▼▼English Ref=10.13
הוֹדִיָּה בָנִי בְּנִֽינוּ׃ס 15 ▼▼English Ref=10.14
רָאשֵׁי הָעָם פַּרְעֹשׁ פַּחַת מוֹאָב עֵילָם זַתּוּא בָּנִֽי׃ 16 ▼▼English Ref=10.15
בֻּנִּי עַזְגָּד בֵּבָֽי׃ 17 ▼▼English Ref=10.16
אֲדֹנִיָּה בִגְוַי עָדִֽין׃ 18 ▼▼English Ref=10.17
אָטֵר חִזְקִיָּה עַזּֽוּר׃ 19 ▼▼English Ref=10.18
הוֹדִיָּה חָשֻׁם בֵּצָֽי׃ 20 ▼▼English Ref=10.19
חָרִיף עֲנָתוֹת נוֹבָי׃ ▼▼For Ketiv נוֹבָי׃ Qere= נֵיבָֽי׃
21 ▼▼English Ref=10.20
מַגְפִּיעָשׁ מְשֻׁלָּם חֵזִֽיר׃ 22 ▼▼English Ref=10.21
מְשֵׁיזַבְאֵל צָדוֹק יַדּֽוּעַ׃ 23 ▼▼English Ref=10.22
פְּלַטְיָה חָנָן עֲנָיָֽה׃ 24 ▼▼English Ref=10.23
הוֹשֵׁעַ חֲנַנְיָה חַשּֽׁוּב׃ 25 ▼▼English Ref=10.24
הַלּוֹחֵשׁ פִּלְחָא שׁוֹבֵֽק׃ 26 ▼▼English Ref=10.25
רְחוּם חֲשַׁבְנָה מַעֲשֵׂיָֽה׃ 27 ▼▼English Ref=10.26
וַאֲחִיָּה חָנָן עָנָֽן׃ 28 ▼▼English Ref=10.27
מַלּוּךְ חָרִם בַּעֲנָֽה׃ 29 ▼▼English Ref=10.28
וּשְׁאָר הָעָם הַכֹּהֲנִים הַלְוִיִּם הַשּׁוֹעֲרִים הַמְשֹׁרְרִים הַנְּתִינִים וְֽכָל־הַנִּבְדָּל מֵעַמֵּי הָאֲרָצוֹת אֶל־תּוֹרַת הָאֱלֹהִים נְשֵׁיהֶם בְּנֵיהֶם וּבְנֹתֵיהֶם כֹּל יוֹדֵעַ מֵבִֽין׃ 30 ▼▼English Ref=10.29
מַחֲזִיקִים עַל־אֲחֵיהֶם אַדִּירֵיהֶם וּבָאִים בְּאָלָה וּבִשְׁבוּעָה לָלֶכֶת בְּתוֹרַת הָאֱלֹהִים אֲשֶׁר נִתְּנָה בְּיַד מֹשֶׁה עֶֽבֶד־הָֽאֱלֹהִים וְלִשְׁמוֹר וְלַעֲשׂוֹת אֶת־כָּל־מִצְוֺת יְהוָה אֲדֹנֵינוּ וּמִשְׁפָּטָיו וְחֻקָּֽיו׃ 31 ▼▼English Ref=10.30
וַאֲשֶׁר לֹא־נִתֵּן בְּנֹתֵינוּ לְעַמֵּי הָאָרֶץ וְאֶת־בְּנֹתֵיהֶם לֹא נִקַּח לְבָנֵֽינוּ׃ 32 ▼▼English Ref=10.31
וְעַמֵּי הָאָרֶץ הַֽמְבִיאִים אֶת־הַמַּקָּחוֹת וְכָל־שֶׁבֶר בְּיוֹם הַשַּׁבָּת לִמְכּוֹר לֹא־נִקַּח מֵהֶם בַּשַּׁבָּת וּבְיוֹם קֹדֶשׁ וְנִטֹּשׁ אֶת־הַשָּׁנָה הַשְּׁבִיעִית וּמַשָּׁא כָל־יָֽד׃ 33 ▼▼English Ref=10.32
וְהֶעֱמַדְנוּ עָלֵינוּ מִצְוֺת לָתֵת עָלֵינוּ שְׁלִשִׁית הַשֶּׁקֶל בַּשָּׁנָה לַעֲבֹדַת בֵּית אֱלֹהֵֽינוּ׃ 34 ▼▼English Ref=10.33
לְלֶחֶם הַֽמַּעֲרֶכֶת וּמִנְחַת הַתָּמִיד וּלְעוֹלַת הַתָּמִיד הַשַּׁבָּתוֹת הֶחֳדָשִׁים לַמּוֹעֲדִים וְלַקֳּדָשִׁים וְלַחַטָּאוֹת לְכַפֵּר עַל־יִשְׂרָאֵל וְכֹל מְלֶאכֶת בֵּית־אֱלֹהֵֽינוּ׃ס 35 ▼▼English Ref=10.34
וְהַגּוֹרָלוֹת הִפַּלְנוּ עַל־קֻרְבַּן הָעֵצִים הַכֹּהֲנִים הַלְוִיִּם וְהָעָם לְהָבִיא לְבֵית אֱלֹהֵינוּ לְבֵית־אֲבֹתֵינוּ לְעִתִּים מְזֻמָּנִים שָׁנָה בְשָׁנָה לְבַעֵר עַל־מִזְבַּח יְהוָה אֱלֹהֵינוּ כַּכָּתוּב בַּתּוֹרָֽה׃ 36 ▼▼English Ref=10.35
וּלְהָבִיא אֶת־בִּכּוּרֵי אַדְמָתֵנוּ וּבִכּוּרֵי כָּל־פְּרִי כָל־עֵץ שָׁנָה בְשָׁנָה לְבֵית יְהוָֽה׃ 37 ▼▼English Ref=10.36
וְאֶת־בְּכֹרוֹת בָּנֵינוּ וּבְהֶמְתֵּינוּ כַּכָּתוּב בַּתּוֹרָה וְאֶת־בְּכוֹרֵי בְקָרֵינוּ וְצֹאנֵינוּ לְהָבִיא לְבֵית אֱלֹהֵינוּ לַכֹּהֲנִים הַמְשָׁרְתִים בְּבֵית אֱלֹהֵֽינוּ׃ 38 ▼▼English Ref=10.37
וְאֶת־רֵאשִׁית עֲרִיסֹתֵינוּ וּתְרוּמֹתֵינוּ וּפְרִי כָל־עֵץ תִּירוֹשׁ וְיִצְהָר נָבִיא לַכֹּהֲנִים אֶל־לִשְׁכוֹת בֵּית־אֱלֹהֵינוּ וּמַעְשַׂר אַדְמָתֵנוּ לַלְוִיִּם וְהֵם הַלְוִיִּם הַֽמְעַשְּׂרִים בְּכֹל עָרֵי עֲבֹדָתֵֽנוּ׃ 39 ▼▼English Ref=10.38
וְהָיָה הַכֹּהֵן בֶּֽן־אַהֲרֹן עִם־הַלְוִיִּם בַּעְשֵׂר הַלְוִיִּם וְהַלְוִיִּם יַעֲלוּ אֶת־מַעֲשַׂר הַֽמַּעֲשֵׂר לְבֵית אֱלֹהֵינוּ אֶל־הַלְּשָׁכוֹת לְבֵית הָאוֹצָֽר׃ 40 ▼▼English Ref=10.39
כִּי אֶל־הַלְּשָׁכוֹת יָבִיאוּ בְנֵי־יִשְׂרָאֵל וּבְנֵי הַלֵּוִי אֶת־תְּרוּמַת הַדָּגָן הַתִּירוֹשׁ וְהַיִּצְהָר וְשָׁם כְּלֵי הַמִּקְדָּשׁ וְהַכֹּהֲנִים הַמְשָׁרְתִים וְהַשּׁוֹעֲרִים וְהַמְשֹׁרְרִים וְלֹא נַעֲזֹב אֶת־בֵּית אֱלֹהֵֽינוּ׃
Copyright information for
THOT