Psalms 56
1לַמְנַצֵּחַ׀ עַל־יוֹנַת אֵלֶם רְחֹקִים לְדָוִד מִכְתָּם בֶּֽאֱחֹז אֹתוֹ פְלִשְׁתִּים בְּגַֽת׃ 2 ▼▼English Ref=56.1
חָנֵּנִי אֱלֹהִים כִּֽי־שְׁאָפַנִי אֱנוֹשׁ כָּל־הַיּוֹם לֹחֵם יִלְחָצֵֽנִי׃ 3 ▼▼English Ref=56.2
שָׁאֲפוּ שׁוֹרְרַי כָּל־הַיּוֹם כִּֽי־רַבִּים לֹחֲמִים לִי מָרֽוֹם׃ 4 ▼▼English Ref=56.3
יוֹם אִירָא אֲנִי אֵלֶיךָ אֶבְטָֽח׃ 5 ▼▼English Ref=56.4
בֵּאלֹהִים אֲהַלֵּל דְּבָרוֹ בֵּאלֹהִים בָּטַחְתִּי לֹא אִירָא מַה־יַּעֲשֶׂה בָשָׂר לִֽי׃ 6 ▼▼English Ref=56.5
כָּל־הַיּוֹם דְּבָרַי יְעַצֵּבוּ עָלַי כָּל־מַחְשְׁבֹתָם לָרָֽע׃ 7 ▼▼English Ref=56.6
יָגוּרוּ׀ יַצְפִּינוּ ▼▼For Ketiv יַצְפִּינוּ Qere= יִצְפּוֹנוּ
הֵמָּה עֲקֵבַי יִשְׁמֹרוּ כַּאֲשֶׁר קִוּוּ נַפְשִֽׁי׃ 8 ▼▼English Ref=56.7
עַל־אָוֶן פַּלֶּט־לָמוֹ בְּאַף עַמִּים׀ הוֹרֵד אֱלֹהִֽים׃ 9 ▼▼English Ref=56.8
נֹדִי סָפַרְתָּה אָתָּה שִׂימָה דִמְעָתִי בְנֹאדֶךָ הֲלֹא בְּסִפְרָתֶֽךָ׃ 10 ▼▼English Ref=56.9
אָז יָשׁוּבוּ אוֹיְבַי אָחוֹר בְּיוֹם אֶקְרָא זֶה־יָדַעְתִּי כִּֽי־אֱלֹהִים לִֽי׃ 11 ▼▼English Ref=56.10
בֵּֽאלֹהִים אֲהַלֵּל דָּבָר בַּיהוָה אֲהַלֵּל דָּבָֽר׃ 12 ▼▼English Ref=56.11
בֵּֽאלֹהִים בָּטַחְתִּי לֹא אִירָא מַה־יַּעֲשֶׂה אָדָם לִֽי׃ 13 ▼▼English Ref=56.12
עָלַי אֱלֹהִים נְדָרֶיךָ אֲשַׁלֵּם תּוֹדֹת לָֽךְ׃ 14 ▼▼English Ref=56.13
כִּי הִצַּלְתָּ נַפְשִׁי מִמָּוֶת הֲלֹא רַגְלַי מִדֶּחִי לְהִֽתְהַלֵּךְ לִפְנֵי אֱלֹהִים בְּאוֹר הַֽחַיִּֽים׃
Copyright information for
THOT