Psalms 85
1לַמְנַצֵּחַ׀ לִבְנֵי־קֹרַח מִזְמֽוֹר׃ 2 ▼▼English Ref=85.1
רָצִיתָ יְהוָה אַרְצֶךָ שַׁבְתָּ שְׁבוּת ▼▼For Ketiv שְׁבוּת Qere= שְׁבִית
יַעֲקֹֽב׃ 3 ▼▼English Ref=85.2
נָשָׂאתָ עֲוֺן עַמֶּךָ כִּסִּיתָ כָל־חַטָּאתָם סֶֽלָה׃ 4 ▼▼English Ref=85.3
אָסַפְתָּ כָל־עֶבְרָתֶךָ הֱשִׁיבוֹתָ מֵחֲרוֹן אַפֶּֽךָ׃ 5 ▼▼English Ref=85.4
שׁוּבֵנוּ אֱלֹהֵי יִשְׁעֵנוּ וְהָפֵר כַּֽעַסְךָ עִמָּֽנוּ׃ 6 ▼▼English Ref=85.5
הַלְעוֹלָם תֶּֽאֱנַף־בָּנוּ תִּמְשֹׁךְ אַפְּךָ לְדֹר וָדֹֽר׃ 7 ▼▼English Ref=85.6
הֲֽלֹא־אַתָּה תָּשׁוּב תְּחַיֵּנוּ וְעַמְּךָ יִשְׂמְחוּ־בָֽךְ׃ 8 ▼▼English Ref=85.7
הַרְאֵנוּ יְהוָה חַסְדֶּךָ וְיֶשְׁעֲךָ תִּתֶּן־לָֽנוּ׃ 9 ▼▼English Ref=85.8
אֶשְׁמְעָה מַה־יְדַבֵּר הָאֵל׀ יְהוָה כִּי׀ יְדַבֵּר שָׁלוֹם אֶל־עַמּוֹ וְאֶל־חֲסִידָיו וְֽאַל־יָשׁוּבוּ לְכִסְלָֽה׃ 10 ▼▼English Ref=85.9
אַךְ׀ קָרוֹב לִירֵאָיו יִשְׁעוֹ לִשְׁכֹּן כָּבוֹד בְּאַרְצֵֽנוּ׃ 11 ▼▼English Ref=85.10
חֶֽסֶד־וֶאֱמֶת נִפְגָּשׁוּ צֶדֶק וְשָׁלוֹם נָשָֽׁקוּ׃ 12 ▼▼English Ref=85.11
אֱמֶת מֵאֶרֶץ תִּצְמָח וְצֶדֶק מִשָּׁמַיִם נִשְׁקָֽף׃ 13 ▼▼English Ref=85.12
גַּם־יְהוָה יִתֵּן הַטּוֹב וְאַרְצֵנוּ תִּתֵּן יְבוּלָֽהּ׃ 14 ▼▼English Ref=85.13
צֶדֶק לְפָנָיו יְהַלֵּךְ וְיָשֵׂם לְדֶרֶךְ פְּעָמָֽיו׃
Copyright information for
THOT