Psalms 92
1מִזְמוֹר שִׁיר לְיוֹם הַשַּׁבָּֽת׃ 2 ▼▼English Ref=92.1
טוֹב לְהֹדוֹת לַיהוָה וּלְזַמֵּר לְשִׁמְךָ עֶלְיֽוֹן׃ 3 ▼▼English Ref=92.2
לְהַגִּיד בַּבֹּקֶר חַסְֽדֶּךָ וֶאֱמֽוּנָתְךָ בַּלֵּילֽוֹת׃ 4 ▼▼English Ref=92.3
עֲֽלֵי־עָשׂוֹר וַעֲלֵי־נָבֶל עֲלֵי הִגָּיוֹן בְּכִנּֽוֹר׃ 5 ▼▼English Ref=92.4
כִּי שִׂמַּחְתַּנִי יְהוָה בְּפָעֳלֶךָ בְּֽמַעֲשֵׂי יָדֶיךָ אֲרַנֵּֽן׃ 6 ▼▼English Ref=92.5
מַה־גָּדְלוּ מַעֲשֶׂיךָ יְהוָה מְאֹד עָמְקוּ מַחְשְׁבֹתֶֽיךָ׃ 7 ▼▼English Ref=92.6
אִֽישׁ־בַּעַר לֹא יֵדָע וּכְסִיל לֹא־יָבִין אֶת־זֹֽאת׃ 8 ▼▼English Ref=92.7
בִּפְרֹחַ רְשָׁעִים׀ כְּמוֹ עֵשֶׂב וַיָּצִיצוּ כָּל־פֹּעֲלֵי אָוֶן לְהִשָּֽׁמְדָם עֲדֵי־עַֽד׃ 9 ▼▼English Ref=92.8
וְאַתָּה מָרוֹם לְעֹלָם יְהוָֽה׃ 10 ▼▼English Ref=92.9
כִּי הִנֵּה אֹיְבֶיךָ׀ יְֽהוָה כִּֽי־הִנֵּה אֹיְבֶיךָ יֹאבֵדוּ יִתְפָּרְדוּ כָּל־פֹּעֲלֵי אָֽוֶן׃ 11 ▼▼English Ref=92.10
וַתָּרֶם כִּרְאֵים קַרְנִי בַּלֹּתִי בְּשֶׁמֶן רַעֲנָֽן׃ 12 ▼▼English Ref=92.11
וַתַּבֵּט עֵינִי בְּשׁוּרָי בַּקָּמִים עָלַי מְרֵעִים תִּשְׁמַעְנָה אָזְנָֽי׃ 13 ▼▼English Ref=92.12
צַדִּיק כַּתָּמָר יִפְרָח כְּאֶרֶז בַּלְּבָנוֹן יִשְׂגֶּֽה׃ 14 ▼▼English Ref=92.13
שְׁתוּלִים בְּבֵית יְהוָה בְּחַצְרוֹת אֱלֹהֵינוּ יַפְרִֽיחוּ׃ 15 ▼▼English Ref=92.14
עוֹד יְנוּבוּן בְּשֵׂיבָה דְּשֵׁנִים וְרַֽעֲנַנִּים יִהְיֽוּ׃ 16 ▼▼English Ref=92.15
לְהַגִּיד כִּֽי־יָשָׁר יְהוָה צוּרִי וְֽלֹא־עֹלָתָה ▼▼For Ketiv עֹלָתָה Qere= עַוְלָתָה
בּֽוֹ׃
Copyright information for
THOT