Psalms 67
1לַמְנַצֵּח בִּנְגִינֹת מִזְמוֹר שִֽׁיר׃ 2 ▼▼English Ref=67.1
אֱלֹהִים יְחָנֵּנוּ וִֽיבָרְכֵנוּ יָאֵר פָּנָיו אִתָּנוּ סֶֽלָה׃ 3 ▼▼English Ref=67.2
לָדַעַת בָּאָרֶץ דַּרְכֶּךָ בְּכָל־גּוֹיִם יְשׁוּעָתֶֽךָ׃ 4 ▼▼English Ref=67.3
יוֹדוּךָ עַמִּים׀ אֱלֹהִים יוֹדוּךָ עַמִּים כֻּלָּֽם׃ 5 ▼▼English Ref=67.4
יִֽשְׂמְחוּ וִֽירַנְּנוּ לְאֻמִּים כִּֽי־תִשְׁפֹּט עַמִּים מִישׁוֹר וּלְאֻמִּים׀ בָּאָרֶץ תַּנְחֵם סֶֽלָה׃ 6 ▼▼English Ref=67.5
יוֹדוּךָ עַמִּים׀ אֱלֹהִים יוֹדוּךָ עַמִּים כֻּלָּֽם׃ 7 ▼▼English Ref=67.6
אֶרֶץ נָתְנָה יְבוּלָהּ יְבָרְכֵנוּ אֱלֹהִים אֱלֹהֵֽינוּ׃ 8 ▼▼English Ref=67.7
יְבָרְכֵנוּ אֱלֹהִים וְיִֽירְאוּ אֹתוֹ כָּל־אַפְסֵי־אָֽרֶץ׃
Copyright information for
THOT