Psa 13 | TPI | STEP | Devit i raitim dispela song. Em i song bilong man i bosim musik. Bikpela, wanem taim bai yu tingim mi gen? Ating yu lusim tingting long mi inap oltaim oltaim, a? Wanem taim bai yu larim mi i lukim pes bilong yu gen?

b 13.3Je 51.39

‏ Psalms 13

Man i beten bai God i helpim em

Devit i raitim dispela song. Em i song bilong man i bosim musik.

1 Bikpela, ^a wanem taim
bai yu tingim mi gen?
Ating yu lusim tingting long mi
inap oltaim oltaim, a?
Wanem taim bai yu larim mi
i lukim pes bilong yu gen?
2 Wanem taim bai yu pinisim
dispela pen mi save karim?
Hamas de na nait
bel hevi bilong mi i mas i stap?
Wanem taim bai yu helpim mi
na mi no i stap moa
aninit long ol birua?
3 Bikpela, ^b yu God bilong mi.
Yu mas tingting long mi
na harim prea bilong mi.
Strongim mi gen bai mi no ken i dai.
4 Olsem ^c bai ol birua i no inap tok,
“Mipela i winim em pinis.”
Na ol i no ken amamas
long lukim mi i pundaun.
5 Tasol mi bilip bai yu marimari
long mi oltaim.
Na mi amamas long yu
bai helpim mi.
6 Yes, ^d bai mi singim song
bilong litimapim nem
bilong Bikpela.
Long wanem,
em i bin mekim gut tru
long mi.