a25.1Sng 86.4, 143.8
b25.2Sng 31.1, 41.11
c25.3Ais 21.2, 49.23, Hab 1.13
d25.4Sng 27.11, 86.11
e25.5Sng 40.1, 43.3, 79.9
f25.6Sng 98.3, 103.17
g25.7Jop 13.26, Sng 31.19, 51.1
h25.8Sng 32.8, 86.5, 92.15
i25.9Sng 23.3, 27.11
j25.10Sng 40.11, 103.18
k25.11Kis 34.9, Sng 79.9
l25.13Sng 69.36, Snd 1.33, Jer 23.6
m25.14Stt 17.1, Jop 29.4, Snd 3.32
n25.15Sng 123.2, 124.7
o25.16Sng 69.16, 143.4
p25.17Sng 40.12, 107.6
q25.18Sng 31.7, 103.3
r25.19Sng 3.1-2, 9.13
s25.21Sng 41.12
t25.22Sng 130.8

‏ Psalms 25

Man i beten long God i ken stiaim em na lukautim em

Devit i raitim dispela song.

1Bikpela, a nau mi beten
long yu.
 2Yu b God bilong mi.
Mi save bilip long yu tasol.
Helpim mi,
nogut mi bilip nating na mi sem.
Yu no ken larim ol birua
i daunim mi
na ol i amamas.

3Ol c man i bilip long yu,
yu no save lusim ol
na ol i bilip nating. Nogat.
Ol man i bikhet long yu,
ol tasol i mas pilim nogut
na sem long pasin ol i mekim.

4God, d yu mas skulim mi
long gutpela pasin bilong yu,
na soim mi long rot bilong yu.
 5Lainim e mi long bihainim
tok tru bilong yu,
long wanem, yu save kisim bek mi.
Long olgeta de mi save wet
long yu i helpim mi.

6Bikpela, f yu mas tingting
long marimari na sori bilong yu.
Yu save mekim dispela pasin
long bipo yet i kam inap nau.
 7God, g yu no ken tingting moa
long sin na pasin nogut mi mekim
taim mi yangpela yet.
Yu God bilong sori
na yu gutpela oltaim.
Yu ken tingting long mi
na marimari long mi.

8Bikpela h i gutpela
na i stretpela olgeta.
Em i save skulim
ol man i save mekim sin
long pasin em i laik
bai ol i mas bihainim.
 9Em i i save stiaim
ol man i stap aninit long em,
na ol i bihainim stretpela pasin.
Em i save skulim ol tu
long rot bilong em.
 10God j i save givim bel bilong em
long olgeta manmeri
i bihainim kontrak
na lo bilong em.
Na em i no save
senisim tingting bilong em.

11God, k bihainim promis bilong yu,
na lusim ol planti sin mi bin mekim.
Yu ken lusim olgeta rong bilong mi
na bai mi litimapim
nem bilong yu.
 12Olgeta man i bihainim
tok bilong Bikpela,
bai God i soim gutpela rot long ol,
na ol i mas wokabaut long en.
 13Ol l kain man olsem
bai i stap gutpela tru,
na ol pikinini bilong ol
bai i stap gut
long dispela graun.
 14God m em i pren tru
bilong ol manmeri
i save stap aninit long em.
Na em i save skulim ol long kontrak
em i bin mekim wantaim ol.

15Olgeta n taim mi save wetim God
i helpim mi.
Em i save kisim bek mi
long ol samting
i laik bagarapim mi.
 16God, o kam long mi gen
na marimari long mi,
long wanem, mi stap wanpis
na strong bilong mi i pinis.
 17Pinisim p olgeta bel hevi bilong mi,
na bel bilong mi i ken i stap isi.
Helpim mi,
na ol hevi
bai i no inap daunim mi.
 18Tingting q long olgeta bel pen na hevi
i stap long mi,
na lusim olgeta sin bilong mi.
 19Yu r lukim ol birua bilong mi
ol i planti tumas.
Ol i no laikim mi liklik. Nogat tru.
 20Kisim bek mi na lukautim mi gut,
na ol birua
i no inap bagarapim mi.
Yu save was long mi,
olsem na mi kam long yu.
 21Mi s bilip long yu, olsem na
yu ken mekim olgeta gutpela
na stretpela pasin bilong mi
i lukautim mi oltaim.
 22God, t yu ken baim bek
olgeta manmeri bilong yu,
na olgeta kain kain hevi
bai i no inap daunim ol.
Copyright information for TPI