Psa 110 | TUCO | STEP | Mbouŋ to David Yoova isaav pa Tiina tiou ighaze: “Unum mbolem izi ila pa nimag waan, le irau natatan koiamŋa ve tapiridi isob kat, ve uvazag di ila aghem samba.”

aMt 22:44; Mbaŋ 2:34; 1Kor 15:25; Hib 1:13

bMbnp 14:18; Hib 5:6, 7:1+

cSyg 19:11-21

‏ Psalms 110

Mesia, ye kinik ve ŋgeu to watooŋrau

Mbouŋ to David

1 Yoova isaav pa Tiina tiou ighaze:
“Unum mbolem izi ila pa nimag waan, le irau natatan koiamŋa ve tapiridi isob kat, ve uvazag di ila aghem samba.” ^a
2 O kinik, aazne yom unepneep izi ndug Zion, ve Yoova igham titi to kinik payom leso ipalot ghom. Tauto tapirim tiina ve pooz tiom ila irau ndug ndug.
Yoova isaav payom ighaze: “Utatan koiamŋa to tiluvut ghom, ve ugham di tineep ila sambam.”
3 Ighaze umundig ula pa malmal, tamtoghon tiom ndiŋndiŋ ndiŋndiŋ pale lolodi ipazaagh di tighaze tilat ve yamŋa ala.
Ighaze ndag pusukia iza, ndipain tiom to tiraua kat pa malmal, pale tikeet tilat tineep tirau lolooz patabuaŋa to tiluvut Yerusalem, tinimale waam to mboŋmaagh itatab kikiliiŋ.
4 Yoova imbua saveeŋ toman ghom, ve ipariaaŋa le iyaryaaŋ kat. Irau itoor ŋgar toni maau. Isaav payom ighaze:
“Yom ŋgeu to watooŋrau unumale Melkizedek. Ve yom pale uneep tovene itaghoni taghoni gha ila.” ^b

5 Maaron ineep ila pa nimam waan ve ipapalot ghom.
Sawa to mbalmbali toni ighaze ivot, ye pale ipamundigin malmal ve irab yes kinik tisob.

6 Pale ighur atia pa ndug ndug, ve irab di tisob timatmaat, le patudi tizi tiwaghengheen izi taan.
Tovenen yes pooza to tineep tirau taan, ye pale irab di le tisob. ^c

7 Ve kinik tiei, ye pale ighun ya to ireer igharau ataam dige, le tapiri ivot muul.
Tovenen ye pale ilib pa malmal, ve tini iza.