Psa 114 | TUCO | STEP | Muuŋ, Israela tipul Isip ve tila. Yakop papaghu toni tipul tamtoghon to aliŋadi ite, ve tivot.

aIgham 12:41

bIgham 19:5, 24:3+

cIgham 14:21

dIgham 19:18

‏ Psalms 114

Maaron igham Israela nditimbudi tipul Isip

1 Muuŋ, Israela tipul Isip ve tila.
Yakop papaghu toni tipul tamtoghon to aliŋadi ite, ve tivot. ^a

2 Sawa tonenen, yes Yuda tinim Yoova ina patabuaŋ to nepooŋ.
Ve yes Israela, tineep ila ye nima, ve iŋgin di. ^b

3 Sawa to Te Kaviaaŋa ighita Yoova tamtoghon toni tinim, ye imatughez ve ighau.
Ve ya Yordan ighita di, le ipamuula ilooŋ ila ve ipot inimale ya naliu. ^c

4 Ve lolooz tovene paam. Yoŋgyoog itok, le tiyatov di tinimale mekmek.
Ve ndug mbuŋa mbuŋa tiyatov di tinimale sipsip ndinatu. ^d
5 O te, sa mbeb ivot payom to ughau?
Ve ya Yordan, pughu vena to upamuula ulooŋ ula ve upot unumale ya naliu?

6 Ve yam lolooz ve ndug mbuŋa mbuŋa, ayatov gham pasa?
7 O taan, upatum ghom! Pasa, mala maau pale Yoova inim.
Paam Maaron to Yakop inim, ve ipatooŋ tapiri payom.

8 Ye to igham ya ivot ila yaam, ve izi ipot inimale ya naliu.
Onoon kat, ye igham ya ivot ila yaam ariaŋa, ve ireer izi.