‏ Psalms 129

Yes Israela tighason Maaron pa itatan koiadi

Mbouŋ to yes to tizala Yerusalem pa suŋuuŋ

1“Sawa to pain ghou ve inim, koiagŋa tighurghur pataŋani naol payou.”
Yam ival tiina to Israel, yam eŋaeŋa asob asaav tovene:

2“Onoon kat. Sawa to pain ghou ve inim, koiagŋa tighurghur pataŋani naol payou.
Eemoghon titatan ghou maau.

3Yes tiloslos ghou le ndimog imburmburtaaŋ.
Tiwaghamun ghou le ndimog inimale taan to tigheli pa vazogiiŋ aniiŋ.”

4Eemoghon Yoova ŋgar toni, nene deŋia moghon.
Tauto igham mulin ghou ila ndiran samsamia tonowen nimadi, ve nanim mbesooŋa sorok padi muul maau.
5Tamtoghon tisob to tighurghur koi pa ndug Zion,
Yoova pale ipamuul di tila toman mayadi.

6Yes pale tinimale kikiliiŋ to itub izala ruum pogho.
Itub iza tiina sone, ve igorgor.
Kikiliiŋ tovene, tamtoghon irau tilupi ve tipoosa inimale tighamgham pa aniiŋ wit ne maau. Tipuli izi ineeple.

8Ighaze tamtoghon tilaagh tila le tindeeŋ Zion koiadi izi ataam,
yes irau tipalot di pa Yoova iza maau. Irau tisaav padi tighaze: “Ila Yoova iza, yei nisaav payam: Poia toni pale iza tiam.” Vene maau.