Psa 133 | TUCO | STEP | Mbouŋ to yes to tizala Yerusalem pa suŋuuŋ Mbouŋ to David Ighaze tamtoghon to Maaron tilup lolodi inim ee moghon itaghon ŋgar to toŋvetaz, nene paghuna, ve igham lolood poia kat.

aYo 17:23; Ro 12:10

‏ Psalms 133

Talup lolood inim ee moghon

Mbouŋ to yes to tizala Yerusalem pa suŋuuŋ

Mbouŋ to David

1 Ighaze tamtoghon to Maaron tilup lolodi inim ee moghon itaghon ŋgar to toŋvetaz, nene paghuna,
ve igham lolood poia kat. ^a

2 Nene inimale ŋgoreeŋ vuzi poia ^{▼▼(133:2) Saveeŋ to ŋgoreeŋ vuzi poia, nene iza to poia to Maaron. Ve waam, nene iza to nepooŋ poia to ye igham pait.}
to tiliŋi izala Aron daba, ve ireer izi itaghon aze oro, le itaghon nonogiiŋa toni le ireer malmali izila pa aghe.

3 Ŋgar to lolood ee moghon, nene inimale waam tiina izi pa lolooz to tigharau ndug Zion, inimale waam to izizi pa lolooz Ermon.
Onoon kat, ighaze yes to ndug Zion tilup lolodi inim ee moghon, nene pale Yoova ighur poia toni iza todi.
Nene nepooŋ poia to iseeŋga itaghoni taghoni gha ila.