Psalms 149
Kikeien te Memesien ve Hosien na Hi
1!Ripet rat his Iahova!Rikikei mi Iahova itel sisien hu tei.
Ti ripet rati itel ngan teisav xil mun xa di langgusil xati.
2Mumaal, mol-Isrel xil, ve Hi xa tepol ni xamim.
Muhesi xamim, moletin xil xa mudi e Vathu Saeon, ve Iahova xa be Suv Toto namim.
3Mupet rat hisen itel holen,
mumesi itel vangivue e kitar.
4Iahova besi xi ve moletin nan xil
e misa merereen mi ngan xil xa nenemien nae di tan.
Xi misak ni xil lili elu nae xil.
5Ngan xil xa di langgusil xat Hi limaal
melele xa lihas tan ni ngan xil xa di labae mi xil,
e likikei itel sien melele xa di langel.
6Xil limeun itel memesien ve Hi nae,
melele xa ladal xat tiei takan nae xil.
7Ixo tiei na moletin nan xil,
Hi ilepis vanut moletin savsav te ut etan
e isa longpangasien mi xil.
8Hi imaen xil livar xat le suv toto na elu nae xil ni sen xil,
e livar xat he vat nae xil ni ao te xeih xil.
9Reitin, Hi isa longpangasien mi moletin xil ak
ixoni ngan xa xi tesemaen ni,
mi ngan xil ak xa lapol misa pe meten.
Reitin, moletin xil na Hi xa di langgusil xati,
xil lihur merereen melele xa lili elu nae xil.
!Ripet rat his Iahova!
Copyright information for
TVK