Matthew 22:41-46
In Almasi amuna in Tuhan, Panghu' hi Daud
(Mrk. 12:35-37; Luk. 20:41-44)
41Na, nakapagtipun mayan in manga Parisi, napikil hi Īsa mangasubu kanila, laung niya, 42“Unu in pikilan niyu pasal sin Almasi? Hisiyu in tagtubu' kaniya?” “Hambuuk panubu' siya hi Daud,” in sambung nila. 43“Nakaamu in sambung niyu, sagawa' mayta' ha waktu hiyūp hi Daud sin Rū sin Tuhan, tiyawag niya Panghu' in Almasi? Karna' nakapamung siya, amu agi, 44‘Namung in Tuhan ha Panghu' ku, amu agi,“Lingkud kaw dī ha dapit pa tuu ku,
sampay ku mapabutang
ha babaan mu in katān simusulang kaymu.” ’ ”
45Na, laung hi Īsa, “In pagtāg hi Daud ha Almasi, Panghu'. Na, mayta' siya tiyawag Panghu' bang siya hambuuk sadja panubu' hi Daud?” 46Na, wala' nakapamung in manga tau kan Īsa minsan hangka-kabtang. Tagnaan dayn ha adlaw yadtu wayruun na timawakkal mangasubu kan Īsa.
Copyright information for
Tausug