2Cor 13 | TmfSC | STEP | Anianta ta mokhom astaienta la amaika’a ham hanetolhema ta ngkotnek asvekta ham, lhamakho aktemakha akientalhnema ta alanekha ko’o ham, vanlha koka apkelaimekpek apkanet, nlho ka la apkanet’olhema enenlhet apkelvetaiangko la qaselha akvetammalhka ham.

2 Corinthians 13

1 Anianta ta mokhom astaienta la amaika’a ham hanetolhema ta ngkotnek asvekta ham, lhamakho aktemakha akientalhnema ta alanekha ko’o ham, vanlha koka apkelaimekpek apkanet, nlho ka la apkanet’olhema enenlhet apkelvetaiangko la qaselha akvetammalhka ham. 2 Askeleltennaske lhta sekhe lhta astaiento lhta amaika’a ham aktemo hanet asvekta ham, atnek hata akiennaktema aspaioma askellanei’o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai’o askellanei’o asto ta amaika’a mokhom ham. 3 Elvetak hata nhan ketlhengkap Cristo heiapaskama kakpota alpaqmetkesek ketlhengkap, metka nkoiennaktema apiempek Cristo neksa apkellanei’o ketlhengkap, akieplomo apmopvana. 4 Malha lhta niekhe meiennaktema la neksa nema aliaqlhaklhema apmeio’ok apmanko’ok neten iamet aktenneskama m’a, kolhva koka aploka mokhom aniem’o Eniapom Neten apmopvana. Ennengko’o nhan malha mongeliennaktema la’a ka aktemo lhta nhan Cristo, koka nelpasmekhak Cristo nkeniemai’ak neliennaktema nak, hata angenmama nenmopvanka’a kakpota eltaqmelkeskesek apkellangiemhaikama ketlhengkap ham.

5 Ellanho ta apvalho’ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho’ok mankolhnaikamok meliaskeiam Jesucristo. 6 Koka apkeliavek ketlhengkap aknaikamok ennengko’o aliennaktema mongeliaskeiam. 7 Kolhva koka ennengko’o nengelelmalhneskaskek Eniapom Neten elpasmok ketlhengkap mellanankek hata mokhom qaselha ngkolatsekama, have nkollaqhama engelvalho’ok engankavek aniem’o netlhekmosekamok ennengko’o, nkaqhok nkotlhenek apvalho’ok enenlhet akhemo nenmakmekamaha apieseksek anak ketlhengkap, vanlha koka nengeleltavek ellanangkok qaselha altaqmelo ketlhengkap. 8 Mankonmahai’ak angellammelhek akto have niapak anke nak, nenmak’ak koka mota angellasekhok ma’a.

9 Hai, niekhe mongeliennaktema, nkaqhok koka nkelpaihakhek engelvalho’ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

10 Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei’o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai’a anaktevaksek nahan.

Aktakha nnelha apaivoma Pablo kanhan aklheianma apvalhok

11 Hai, ka m’a, askeltavek ko’o nkolpaihekha mota apvalho’ok ketlhengkap elialheng’a ham, elienlhanmamok hata mota apkenmahai’a eletsavhongvomhok apkeliangveiakmo, eliatamo ta mota po’ok, elloka ta lhemek aknemo mo’ok apvalho’ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho’ok anak kanhan nengamelaiam, etnangkok apketlhelhma’ak amota ham. 12 Elpaivesakpo ta mota apankavek apieseksek anak ketlhengkap akieplomo apkelpetsesammap alhnai’o nkoie, kanhan apkellapasak atlheianma apvalho’ok apkelpokkenammap anak hengke’e. 13 Askeltavek ko’o Apveske Jesucristo eltaqmelkeskesek apkellaniemhaikama ketlhengkap ham, ellamelemmak na Eniapom Neten, kanhan Espíritu Santo elpasmok nahan.