Tit 1 | TmfSC | STEP | Ko’o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma’a apkellelto nak apkeliekieskama Eniapom Neten kakpota nkovak apkeliangveiakmo m’a aktemakha akto have niapak ankek nenganiemhaikama aktaqmanma,

Titus 1

Pablo aklheianma apvalhok Tito

1 Ko’o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma’a apkellelto nak apkeliekieskama Eniapom Neten kakpota nkovak apkeliangveiakmo m’a aktemakha akto have niapak ankek nenganiemhaikama aktaqmanma, 2 alel·halhanma apvalho’ok na etlhevangkok hata aliennaktema apnenio’ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma’a, tep nak nanek ampai’osekha nkek aknem aklhengama aplheianma ellangkok ma’a. 3 Nietemavek nenvanlha nak heiapaskamo Eniapom Neten apto hengelvongkeskama tep kakpota aliangveskeskamhok ania’a apankok askeltennaiangka nak. 4 Asmak’ak angvapaskesek vakkahak anak astalheskama lheiap Tito, apto nhan malha eietka aniem’o nhan aknemo mo’ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Apkellanemmakpelha etnangkok apkelemhama apmaniaie

5 Asiamasangvakhe lhta lheiap ham Creta kakpota esavhok apmakmekama lhta, aspekkenkasakhe lhta nhan askaikamok lhema aspaioma nentemakha angeliekieksek apkeliamo la lhma metno apketko’ok kakpota etnangkok apkelemhama apmaniaie moklhem’a la apkaqnekhelha Jesucristo apkennemolhema m’a. 6 Lhema metno apketkok la’a nkaimelhkek etnek metka la aplhenammap, kanhan lhema apak aptava, kanhan apketkak nkotnangkok mankoliaskeiam Eniapom Neten, altakmelkasemmalhkoho kakpota nhan mankotnangkek mankoleliehekho’. 7 Hai, lhema apkemhama apmanie la’a nkaimelhkek etnek metka la aplhenammap ngkanek Eniapom Neten aptemeskeskama m’a kakpota ellanama takhaplhet’ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai’a la akianmoma apmakmekama. 8 Koka ntasek etne mota apmama takha amaika’a apankok la’a apnemakha, elanak na qaselha altaqmelo, apmopvana akietnaikama apaqtek, apeivomo, apiamolhma apanke’ kakpota nhan aptaqmelkasemmakpo apanko ie’. 9 Nkaimelhkek na meiaqmonkasekhek mo’ok nema atlhekmoskama lhta aplhevai’a akto have niapak anke, etnek na apiatekhok po’ok akieplomo apketlhekmoskama aktaqmanma, etnek na apmopvana elpengkangvakhak apkellelto la apkellammelhekha m’a. 10 Nkanek aplhaniek meleliehekho ka nkeniemai’ak ma’a apieseksek anak aknaikamok anak nema aliaqtemenkeskama nekhatko’ok apkellammelhakha, vanlha mota apkelpakmetekama aktaikama nkek, aptengiaikama mota eliennengkesek enenlhet’avok ma’a. 11 Meniangko nkek lheiap etlhekmosangkok ma’a ngkanek aplhaniek apkeliennengkeskama aknema nak apkennemolhema, vanlha mota apteniaikamok patakkom ma’a. 12 Malha aktonak enenlhet’avok anak apkelloma nak Creta, apkenmopvanka ania’a lhnak ma’a aplheianma koka apaivomo lhema apankek apkeltennasemmap ania’a apieseksek anak ma’a, malha lhnak kaselha nevhak la akloma, melleskama lhnak na etavangkok aptekamok, mankonmahai’a lhnak na enmakmama m’a, lhna aptemak apkeltennasemmap ania’a apketlheianmo m’a.

13 Have niapak ankek ma’a aktemakha aplheianma m’a, ka ngkanek ntasek eliennahok lheiap aplhamakho apkellelto la apkelvanengvaiam ma’a kakpota eltaqmelkasekhok aptaikamok meliaskeiam ma’a, 14 mellanko nkek na ellailhok ania’a nema altennaikama akmovana ania’a la’a koka aniem’o m’a apkelentepkeskama apankavek alietnaikama apaqto’ok. Eliennaho ta nhan kakpota mellailhek henganemakha aniem’o enenlhet apanke’ apkellelto nak apkeliamasangveiam hengetlhekmoskama akto nak have niapak ankek.

15 Apkellelto la alalhnai’o apvalho’ok nkelvetalhkek na lhamakho qaselha alalhnai’o apkellanai’a m’a, koka apkellelto la alpaiseiam apvalho’ok mankonmak’ak enmankok takha mongiaskeiam anak, nkelvetalhkek na lhamakho qaselha alpaiseiam ma’a ngkanek nkelpaisakmek alietnaikama apaqto’ok kanhan alianvekho apvalho’ok, 16 apketlhengke pankek apkeliangveiakmo aptemakha Eniapom Neten koka apkellanengke mota qaselha apkammelhmakha antek Eniapom neten ma’a, neten ankek meliamolhma m’a kanhan meleliehekhok, mankonmahai’a nha mota ellanangkok qaselha altaqmelo.