1Ch 24 | TpiKJPB | STEP | ¶ Nau ol dispela em ol bruk bilong ol pikinini man bilong Eron. Ol pikinini man bilong Eron, Nedap, na Abihu, Eleasar, na Itamar.

‏ 1 Chronicles 24

1 ¶ Nau ol dispela em ol bruk bilong ol pikinini man bilong Eron. Ol pikinini man bilong Eron, Nedap, na Abihu, Eleasar, na Itamar. 2 Tasol Nedap na Abihu i dai pinis bipo long papa bilong ol, na ol i no gat ol pikinini. Olsem na Eleasar na Itamar i mekim wok long wok bilong pris. 3 Na Devit i tilim ol, Sedok bilong ol pikinini man bilong Eleasar, na Ahimelek bilong ol pikinini man bilong Itamar wantaim, bilong bihainim ol wok bilong wok bilong ol. 4 Na i gat moa nambawan man ol i lukim bilong ol pikinini man bilong Eleasar long i gat bilong Itamar. Na ol i bruk olsem. Namel long ol pikinini man bilong Eleasar i gat 16 nambawan man bilong hauslain bilong ol tumbuna papa bilong ol, na etpela namel long ol pikinini man bilong Itamar bilong bihainim hauslain bilong ol tumbuna papa bilong ol. 5 Olsem tasol ol i brukim ol long satu, wanpela kain wantaim narapela. Long wanem, ol nambawan gavman bilong rum holi, na ol nambawan gavman bilong haus bilong God, em i bilong ol pikinini man bilong Eleasar, na bilong ol pikinini man bilong Itamar. 6 Na Semea, pikinini man bilong man bilong rait Netanel, wanpela bilong ol lain Livai, i raitim ol long ai bilong king, na ol hetman, na pris Sedok, na Ahimelek, pikinini man bilong Abaiatar, na long ai bilong ol nambawan bilong ol tumbuna papa bilong ol pris na ol lain Livai. Wanpela nambawan hauslain husat ol i kisim bilong Eleasar, na wanpela ol i kisim bilong Itamar. 7 Nau namba wan satu i kam ausait long Jehoiarip, namba tu long Jedea, 8 Namba tri long Harim, namba foa long Seorim, 9 Namba faiv long Malkaisa, namba sikis long Misamin, 10 Namba seven long Hakos, namba et long Abaisa, 11 Namba nain long Jesua, namba ten long Sekanaia, 12 Namba 11 long Eliasip, namba 12 long Jakim, 13 Namba 13 long Hupa, namba 14 long Jesebeap, 14 Namba 15 long Bilga, namba 16 long Imer, 15 Namba 17 long Hesir, namba 18 long Afsis, 16 Namba 19 long Petahaia, namba 20 long Jehesekel, 17 Namba 21 long Jakin, namba 22 long Gamul, 18 Namba 23 long Delea, namba 24 long Measaia. 19 Ol dispela em ol taim bilong ol insait long wok bilong ol long kam insait long haus bilong BIKPELA, bilong bihainim kastam bilong ol, aninit long Eron, tumbuna papa bilong ol, olsem God BIKPELA bilong Isrel i bin tok strong long em. 20 ¶ Na olgeta arapela pikinini man bilong Livai em ol dispela. Bilong ol pikinini man bilong Amram, Subael. Bilong ol pikinini man bilong Subael, Jedeaia. 21 Long sait bilong Rehabaia, bilong ol pikinini man bilong Rehabaia, namba wan em Isaia. 22 Bilong ol lain Ishar, Selomot. Bilong ol pikinini man bilong Selomot, Jahat. 23 Na bilong ol pikinini man bilong Hibron, Jeraia namba wan, Amaraia namba tu, Jahasiel namba tri, Jekameam namba foa. 24 Bilong ol pikinini man bilong Usiel, Maika. Bilong ol pikinini man bilong Maika, Samir, 25 Brata bilong Maika em Isaia. Bilong ol pikinini man bilong Isaia, Sekaraia. 26 Ol pikinini man bilong Merari em Mali na Musi. Ol pikinini man bilong Jeasaia, Beno. 27 Ol pikinini man bilong Merari long Jeasaia, Beno, na Soham, na Sakur, na Ipri. 28 Bilong Mali Eleasar i kam, husat i no gat ol pikinini man. 29 Long sait bilong Kis, pikinini man bilong Kis em Jeramel. 30 Ol pikinini man tu bilong Musi, Mali, na Eder, na Jerimot. Ol dispela em ol pikinini man bilong ol lain Livai i bihainim hauslain bilong ol tumbuna papa bilong ol. 31 Wankain olsem, ol dispela i tromoi satu pas klostu long ol brata bilong ol, ol pikinini man bilong Eron, long pes bilong king Devit, na Sedok, na Ahimelek, na ol nambawan bilong ol tumbuna papa bilong ol pris na ol lain Livai, yes, ol nambawan tumbuna papa i pas klostu long ol brata bilong ol i yangpela moa.