Jude
Namba Wan Pas i Kam Long Aposel
Jut
1¶ Jut, wokboi bilong Jisas Kraist, na brata bilong Jems, i go long ol husat i kamap holi long God Papa, na husat em i mekim i stap gut yet insait long Jisas Kraist, na husat em i singautim. 2Sori i go long yupela, na bel isi, na laikim tru, i ken kamap planti moa. 3¶ Ol lain i stap klostu tru long bel, taim mi wok strong olgeta long raitim long yupela long dispela kisim bek bilong yumi olgeta, em i gat nid long mi raitim long yupela, na strongim bel bilong yupela long yupela i mas pait strong long lukautim dispela bilip tru God i bin givim bipo long ol seint. 4Long wanem, i gat sampela man i kam insait hait isi isi, husat bipo, long taim bipo, ol i makim long dispela pe nogut bilong kot, ol man nogut, husat i tanim marimari bilong God bilong yumi i kamap pasin bilong mangal nogut, na husat i tok nogat long dispela wanpela God Bikpela tasol, na Bikpela bilong yumi Jisas Christ. 5Olsem na mi bai mekim yupela holim tingting, maski yupela i bin save long dispela bipo, olsem long Bikpela, taim em i kisim bek ol manmeri ausait long hap bilong Isip, bihain long en em i bagarapim ol olgeta husat i no bilip. 6Na ol ensel husat i no holimpas namba wan ples bilong ol, tasol ol i lusim ples bilong ol yet, em i bin holim bek long ol sen bilong oltaim oltaim aninit long tudak i go inap long kot bilong dispela bikpela de. 7Yes, olsem Sodom na Gomora, na ol biktaun nabaut long ol long wankain pasin, taim ol i givim ol yet i go olgeta long pamuk pasin, na taim ol i go bihainim narakain bodi, em i putim ol bilong stap wanpela piksa, taim ol i karim pen bilong bekim pe nogut bilong paia i stap oltaim oltaim. 8¶ Wankain olsem tu ol dispela man bilong driman i doti tru i mekim doti bodi bilong ol, ol i tingim olsem biknem bilong bosim em i samting nating, na ol i toktok nogut long sait bilong ol samting i gat bikpela namba. 9Yet nambawan ensel Maikel, taim em i pait strong wantaim Seten em i tok pait long sait bilong bodi bilong Moses, em i no gat laik long sutim wanpela tok bilong daunim tru i birua long em, tasol em i tok, Bikpela i ken hatim yu. 10Tasol ol dispela man i toktok nogut long sait bilong ol dispela samting ol i no save long en. Tasol wanem samting ol i save long pasin bilong dispela graun, olsem ol animal i no gat tingting, long ol dispela samting ol i bagarapim ol yet. 11Tok lukaut i go long ol! Long wanem, ol i bin go long rot bilong Ken, na ran wantaim gridi pasin i bihainim paul pasin bilong Belam bilong kisim pe, na ol i dai olgeta long tok i birua long tok yet bilong Kore. 12Ol dispela em i ol mak nogut insait long ol bikpela kaikai bilong pasin bilong laikim tru bilong yupela, taim ol i kaikai bikpela wantaim yupela, taim ol i givim kaikai long ol yet na ol i no pret. Ol i ol klaut i no gat wara, ol win i karim ol nabaut. Ol i ol diwai husat prut bilong ol i go drai, i no gat prut, i dai tupela taim pinis, na ol man i bin pulim ol i kam ausait long ol rop daunbilo bilong ol. 13Ol i ol sibruk bilong biksi i pairap bikpela, taim ol i wokim silva bilong biksi ausait long sem bilong ol yet. Ol i ol sta i raun nating, long husat God i holim bek blakpela bilong tudak bilong oltaim oltaim. 14Na Inok tu, namba seven bihain long Adam, i autim tok profet long ol dispela, i spik, Lukim, Bikpela i kam wantaim ol 10,000 bilong ol seint bilong em, 15¶ Long mekim kot antap long olgeta, na long soim tru tru long olgeta husat i man nogut namel long ol long olgeta dispela wok nogut bilong ol ol i bin mekim wantaim pasin nogut, na bilong olgeta dispela toktok i hat tru ol sinman nogut i bin toktok i birua long em. 16Ol dispela em i ol man bilong tok baksait, ol man bilong komplen, husat i wokabaut i bihainim ol aigris bilong ol yet. Na maus bilong ol i toktok wantaim ol bikpela toktok i solap, taim ol i tingim ol namba bilong ol man wantaim laikim, bilong wanem, dispela i ken helpim ol. 17Tasol, ol lain i stap klostu tru long bel bilong mi, yupela i mas holim tingting long ol dispela toktok ol aposel bilong Bikpela bilong yumi Jisas Kraist i bin toktok bipo, 18Long ol i bin tokim yupela olsem wanem long i mas gat ol man bilong wokim pani bilong daunim long dispela las taim, husat i ken wokabaut i bihainim ol aigris i bihainim ol pasin nogut bilong ol yet. 19Ol dispela em i ol husat i brukim ol yet i stap long narapela hap, ol man bilong bihainim bodi, taim ol i no gat Holi Spirit. 20Tasol yupela, ol lain i stap klostu tru long bel bilong mi, i mas strongim yupela yet antap long bilip tru i holi moa olgeta bilong yupela, taim yupela i beten insait long Holi Spirit. 21Holimpas yupela yet insait long laikim tru bilong God, taim yupela i lukluk bilong wetim sori bilong Bikpela bilong yumi Jisas Kraist i go inap long laip i stap gut oltaim oltaim. 22Na long sampela yupela i mas gat sori tru, long mekim ol senis i kamap. 23Na kisim bek ol arapela wantaim pret, taim yupela i pulim ol i kam ausait long paia. Yes, taim yupela i no laikim tru klos i gat ol mak long wok bilong olpela pasin. 24Nau long em husat em inap long pasim yupela long pundaun, na long bringim yupela taim yupela i no gat asua long ai bilong pes bilong glori bilong em wantaim amamas tru moa yet, 25Long dispela wanpela God tasol i gat save tru, Man Bilong Kisim Bek bilong yumi, glori na biknem tru, biknem bilong bosim na pawa i ken stap, nau na oltaim oltaim wantaim. Amen.
Copyright information for
TpiKJPB