Revelation of John 1
Revelesen
Bikpela Jisas Kraist i Givim Long Aposel Jon
1¶ Revelesen bilong Jisas Kraist, dispela God i givim long em, long soim long ol wokboi bilong em ol dispela samting i mas kamap klostu nau. Na em i salim na mekim klia dispela long han bilong ensel bilong em i go long wokboi bilong em Jon, 2Husat i tokaut klia long tok bilong God, na long testimoni bilong Jisas Kraist, na long olgeta dispela samting em i lukim. 3¶ Blesing i stap long em husat i ritim, na ol husat i harim ol toktok bilong dispela tok profet, na holimpas ol dispela samting, dispela em i raitim insait long en. Long wanem, taim em i klostu. 4Jon i go long dispela sevenpela sios i stap long Esia. Marimari i ken stap long yupela, na bel isi, i kam long em husat i stap, na husat i bin stap, na husat bai kam, na long dispela sevenpela Spirit i stap long ai bilong sia king bilong em, 5Na long Jisas Kraist, husat em i dispela witnes yu inap bilip long em, na namba wan man God i kamapim long dai, na hetman bilong ol king bilong dispela graun. I go long em husat i laikim yumi tru, na wasim yumi long ol sin bilong yumi long blut bilong em yet, 6Na husat i bin mekim yumi ol king na ol pris i go long God na Papa bilong em. Long em glori na biknem long bosim i stap oltaim oltaim na oltaim. Amen. 7Lukim, em i kam wantaim ol klaut. Na olgeta wan wan ai bai lukim em, na ol tu husat i bin sutim em. Na olgeta kandre bilong dispela graun bai krai wantaim singaut bilong tingim em. Yes, olsem tasol, Amen. 8Mi stap Alpa na Omega, stat na pinis, Bikpela i tok, husat i stap, na husat i bin stap, na husat bai kam, God i Gat Olgeta Strong. 9¶ Mi Jon, husat tu em i brata bilong yupela, na poroman long bikpela hevi, na long kingdom na pasin bilong sanap strong long traim bilong Jisas Kraist, i stap long dispela ailan ol i kolim Patmos, bilong tingim tok bilong God, na bilong tingim testimoni bilong Jisas Kraist. 10Mi stap long Spirit long de bilong Bikpela, na harim baksait long mi wanpela bikpela nek, olsem i bilong wanpela biugel, 11I spik, Mi stap Alpa na Omega, namba wan na las. Na, Wanem samting yu lukim, raitim insait long wanpela buk, na salim i go long dispela sevenpela sios i stap long Esia, i go long Efesas, na i go long Smerna, na i go long Pergamos, na i go long Taiataira, na i go long Sardis, na i go long Filadelfia, na i go long Leodisia. 12Na mi tanim long lukim dispela nek i toktok wantaim mi. Na taim mi tanim pinis, mi lukim sevenpela stik kandel gol, 13Na namel bilong dispela sevenpela stik kandel wanpela i wankain olsem Pikinini Man bilong man, husat i werim wanpela klos i go daun inap long fut, na em i pas nabaut long bros wantaim wanpela bikpela let gol. 14Het bilong em na ol gras bilong em i waitpela olsem gras bilong sipsip, waitpela olsem ais. Na tupela ai bilong em i olsem lait bilong paia. 15Na tupela lek bilong em i wankain olsem naispela bras, olsem sapos ol i kuk long ples bilong strongpela paia. Na nek bilong em i olsem nois bilong planti wara. 16Na em i gat long han sut bilong em sevenpela sta. Na ausait long maus bilong em bainat i gat tupela sap i go. Na pes bilong em i olsem lait bilong san long strong bilong en. 17Na taim mi lukim em, mi pundaun long tupela lek bilong em olsem mi dai pinis. Na em i slipim han sut bilong em antap long mi, taim em i spik long mi, No ken pret. Mi stap namba wan na las. 18Mi stap em husat i stap laip, na i bin dai pinis, na, lukim, mi stap laip oltaim oltaim, Amen. Na mi gat ol ki bilong hel na bilong dai. 19Raitim ol dispela samting yu bin lukim, na ol dispela samting i stap, na ol dispela samting bai i stap bihain long nau, 20Samting hait bilong dispela sevenpela sta yu lukim long han sut bilong mi, na dispela sevenpela stik kandel gol. Dispela sevenpela sta em ol ensel bilong dispela sevenpela sios. Na dispela sevenpela stik kandel yu lukim em dispela sevenpela sios.
Copyright information for
TpiKJPB