1Cor 8 | TpjSC | STEP | Ã’ẽ jaijetapohe ho’uavare ta’ãnga heepe me’ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava.

1 Corinthians 8

Ho’uavare mbijicheava ta’ãngare pevarã

1 Ã’ẽ jaijetapohe ho’uavare ta’ãnga heepe me’ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava. 2 Ĩme’ẽ pente moãma opa mbai kuaavarã, nde’iave rãngateri opa kuaa, kuaa verã rãĩmi. 3 Tẽvã ĩme’ẽ Tũpa haihuvarã, hokava Tũpa kuaamashu. 4 Hãrã katura jau ho’uava ta’angape me’ẽãva? Jaikuaa kavi ta’angare mba’ẽã hai ko yvy’ĩãrẽrã, hareka penteĩ’õ Tũpa. 5 Ajemaĩ ĩmete’ẽ he’iaheva tũpare vate arape’õ, maĩrã yvy’ĩãrẽ (ãñete heta’ẽ “tũpare” hareka “tejare”). 6 Tẽvã ñande pevarã penteĩ’ẽ Tũpa Teru, haivi opa mba’e ñymoña hareka hai pevarã jaiko. Hareka penteĩ’ẽjy Ñandeja, Jesucristo, hai rupii opa mba’e iko, ñandeave jyve. 7 Tẽvã opaĩñoã kuaa kova mbai. Shara a’ãmore jypykuaahe ta’angareirã, houteri ta’angape me’ẽãva ho’uavare, hãrã pyape ñymyngya shara pyrãtãã. 8 Ha’ẽã rãnga jauva rupii Tũpa ñanymyvãhẽ verã, shara ha’ẽã jakarujairã haikavivejaiva maĩrã jakaruãrã porãmba’eitejaiva. 9 Pingareko kavi kova pyrekova pota pijapova pijaporã, mahẽ kova rupii pyrãtambateriare pitykui mbai porãmbape. 10 Nde opa rikuaava kova mbai reho ryvapy rykarurẽĩ ta’angarei omomba’ehaperã, hareka pente ñandyryvy pyrãtambateriva ndyresharã, katu hai ñymykyrẽy jyve hou verã ho’uavare ta’anga heepe me’ẽãva. 11 Hãma kova mbai rikuaa vekua rehe, oajypo ñandyryvy pyrãtambateriva Cristo manohe vekuatẽ jyveva. 12 Kyrã mbai porãmba pijapohe ñandyryvy jyrojakuepe pyrãtambaterivarã, Cristoretei pijapo mbai porãmba. 13 Hãrã hauva rupii ñandyryvy aitypotarã, haikavive penteã hau soo, mahẽ aityjykui mbai porãmbape.