Rev 15 | TpjSC | STEP | Hareka ahesha ynga mbai heshahava arare ojaimbava hareka mbyry ma’ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.

Revelation of John 15

7 Tũpa jokueva hareka 7 Tũpa ñunupa vasu

1 Hareka ahesha ynga mbai heshahava arare ojaimbava hareka mbyry ma’ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue. 2 Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha’ãnga hareka hee papahapya, hareka opaiteva ĩmere reta arpare Tũpa ña’ãpova. 3 Hareka haire pyrahe Moisés Tũpa jokuerea jypyrahe hareka Avisha Ray jypyrahe:
Ojaĩã hareka mashyã opava rijapova
Sheru Tũpa mbai katukue,
heko kavi hareka haikavi ndyrape
tentavasure Juhuvisha vasu.
4 Mbavara kyjeãpo ndyhevi, Teja,
hareka nemomba’ẽãpo
shara ndeiirẽĩ ndyreko kyamba
hãme opaite tenta vasure oupo hareka nemombaipo
shara hekopekavi rĩpirĩmbivache.

5 Haivima akuaivi she amaĩrã jypea tũpao vasu vate arapy’õ, tavernakulo he’iashua. 6 Haivima õhẽ tũpaoivi 7 Tũpa jokuevare, ñymondeva mondeava kyamba hĩmbipeva hareka pitiare jerehe cinta ita vera ijuvaivi, haire ĩmere 7 mbairasy porãmba. 7 Hareka penteva urũndy hykove’ia reta pãũvi memeẽshu 7 Tũpa jokuevare kopa ita vera ijuva, tynyheva Tũpa poshykue hykove’ia opa ara. 8 Hareka tũpao opa tynyhe tatãti Tũpa ñymbai katukue hareka hĩmbipekue hãrã mba’ety katu icheva tũpao’ipe opapeve 7 mbairasy porãmba, 7 Tũpa jokuevare rahava.