Rom 16 | TpjSC | STEP | Hai pee ñaniindy Febepe, hai tũpaope mba‘apo’ia Puerto Cencreape.

Romans 16

Ñymarãndu haiteivare

1 Hai pee ñaniindy Febepe, hai tũpaope mba‘apo’ia Puerto Cencreape. 2 Airurepe Ñandeja heepe pymyvãhẽ kavishu verã, tyryvy heko kyambare jajapose hãndia rãĩmi jyrojakuepe; hareka pymboryhe maĩnunga mba’etyreva ikotẽvehea, shara hai hetavape mbory hareka she shymbory jyve. 3 Pymarãndushu Priscila hareka Aquilape, shymbory’iare Jesucristope amba’aporã. 4 Haire ijehuãhe reta shykove, mondojepe verãre hareka ha’eã sheĩ shy ajetekue ameẽshuare, katy opaite tũpaore haimba Judio reta jyve. 5 Kyrãmi jyve, pymarãndu jyve she ñandyryvyre ñymbatyva Priscila hareka Áquila hentape. Pymarãndu shi’ĩrũ ahaihuva Epéneto, hai jyve tynondeite Cristore jyrojava Asiape. 6 Pymarãndushu María, heta mba’apova jyve pynymbytepe. 7 Pymarãndu Andrónico hareka Junías, sherẽntarãre hareka shi’ĩrũ shymbyperesoa hãndi vekua, hai reta haihuhava Apostolre hareka haire tynondeve jyroja shyhevi Cristore. 8 Pymarãndushu Ampliato, shi’ĩrũ ahaihuva Ñandeja rehe. 9 Pymarãndushu Urbano, ĩrĩ’ĩrũ Cristo ryheva hareka ahaihuva Estaquis. 10 Marãndushu Apeles, Cristo rehe heta heshaka jyrojakue Cristo rehe, hareka jyve Aristóbulo ñymoña hãndiare. 11 Pymarãndushu sherẽntarã Herodión hareka opaite Narciso ñymoña hãndiare Ñandejare jyrojavare. 12 Pymarãndushu ñaniindyre Trifena hareka Trifosa, Ñandeja ryhevape mba’apovare hareka haihuhava Pérsida, heta mba’apova jyve Ñandeja pevarã. 13 Pymarãndushu Rufo, Ñandeja pyhyrõ vekua hareka ishype, hai jyve shesy rãĩmi areva. 14 Pymarãndushu Asincrito, Flegonte, Hermes, Patrobas, Hermas hareka ñandyrvyre õĩ hãndivare. 15 Pymarãndu jyve Filólogo hareka Julia, Nereo hareka hiindy, Olimpas hareka tyryvy heko kyambare õĩ hãndiare. 16 Piñymarãndu opaiteva pente jypyte kyambape, jyrojavare jypykuava rãĩmi. Opaite ñandyryvyre jyrojava mondope ñymarãndu.

17 Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono’iare, hai hokava ñymbyvaishoheva pynymbo’eaheva pymyvãheva. Hokava kuaretare avy pihia, 18 shara jyrojãhe Ñandeja Jesucristo, koñeĩ ha’eire hete potavape ijokueka’iare hareka ñee mbevepeĩ hareka añeteva nungape mbytavyshu pya poshymbape. 19 Oparupi mbe’uha piniñeẽ rẽndurã, hokava shymbyvy’a. Aipota pyny’arãndu haikaviva pijapo verã, hareka pikuaãpopi porãmba pevarã, 20 kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy’ajetekue toĩ penendie.

21 Pymyvãhẽ jyve Timoteo ñymarãndu, shymba’apo ĩrũ hareka jyve Lucio, Jasón hareka Sosípatro, shyrẽtarãre. 22 She, Tercio, ambypara ãĩ kova kuatia, amondo pee marãndu Ñandeja heepe. 23 Pynymarãndu Gayo, shymyhendava hareka opaite tũpaore. Erasto mymarãndu, hokava tentape kyrypoti ñyngareko’ihea hareka ñadyryvy Cuarto. 24 Ñandeja Jesucristo jyhovasakue tõĩ penendie opaiteva. Amén.

Mbyrahe Tũpa pevarã opahea

25 ^{▼▼ Versículo 25 hareka 27 peve koñeĩ ẽẽ ã’ãmo mbyparahavape.}Japyraheshu Ñandeja, hareka katu mypyrãtava shi Ñee Kavi hareka Jesucristo mbe’uhava kuaahambava heshahakava rãĩmi arykai ñomihareva, 26 Tẽvã ã’ẽ ñanymbykuaaka hokava japoa verã Tũpa ĩñeẽ mbeu’iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa. 27 Tũpa penteĩ’õ, koñeĩ iñarãnduva, hĩmbipe opa arape Jesucristo rupii! Amén.