Psa 8 | TwiNAK | STEP | O Awurade , yɛn Awurade , wo kɛseyɛ ada adi wiase mmaa nyinaa. Nkamfo a wɔkamfo wo no du soro.

‏ Psalms 8

Ɔbɔadeɛ ne abɔde anuonyam

1 O Awurade, yɛn Awurade, wo kɛseyɛ ada adi wiase mmaa nyinaa.
Nkamfo a wɔkamfo wo no du soro.
2 Mmofra ne nkokoaa kamfo wo.
Woasiesie wo ho ama wʼatamfo nyinaa; wusiw obiara a otia wo no kwan.
3 Sɛ mehwɛ soro a wo ara woabɔ, ne sɛnea woatoto ɔsram ne nsoromma pɛpɛɛpɛ wɔ wɔn afa a,
4 ɔdasani ne hena a wokae no, na onipa ba nso ne hena a wʼani ku ne ho!
5 Na wobɔɔ no ɔketewa sen abɔfo, bɔɔ no anuonyam ne nidi abotiri.
6 Na wode no sii ade biara a wobɔe so panyin; wode no sii abɔde nyinaa so panyin
7 a nguan ne anantwi ne wuram mmoa,
8 wim nnomaa ne ɛpo mu mpataa ne emu abɔde ka ho.
9 O Awurade, yɛn Awurade, wohu wo kɛseyɛ wɔ wiase mmaa nyinaa.