Psalms 84
Onyankopɔn fi anigyina
1 Awurade Tumfoɔ, medɔ wo fi no dodo.2Mepɛ sɛ meba hɔ.
Mʼani agyina sɛ meba Awurade fi.
Mede me nipadua nyinaa to ahosɛpɛw dwom ma Onyankopɔn teasefo no.
3Mpatiperɛw anwene wɔn birebuw na nsonfena nso wɔ wɔn afi.
Wɔde wɔn mma sie wɔ wʼafɔremuka ho,
Otumfoɔ Awurade, me hene ne me Nyankopɔn.
4Wɔn a wɔte wo fi hɔ no wɔ ahotɔ.
Daa wɔto nnwom kamfo wo.
5Wɔn a wonya ahoɔden fi wo nkyɛn no wɔ ahotɔ, na wɔpɛ sɛ wɔkɔfrɛ wo wɔ Sion Bepɔw so.
6Wɔfa ɔtare bon a ayow kesee no mu a ɛdan asuten, na anɔpabosu hyɛ no nsu ma ma.
7Wɔrekɔ no nyinaa na wɔn ho reyɛ den; wobehu Onyankopɔn mu anyame wɔ Sion.
8Tie me mpaebɔ,
Awurade Nyankopɔn.
Tie, O Yakob Nyankopɔn.
9Hyira yɛn hene,
O Onyankopɔn; ɔhene a woayi no no.
10Da koro pɛ a wodi wɔ wo fi no ye sen sɛ wobedi no baabi foforo biara mpɛn apem.
Megyina me Nyankopɔn fi pon ano sen sɛ mɛtena amumɔyɛfo fi mu.
11 Awurade ne yɛn hwɛfo ne ɔhene onuonyamfo a ɔde adɔe ne anuonyam hyira yɛn.
Ɔmpopo ne ti wɔ ade pa biara a ɔde ma atreneefo ho.
12 Awurade Tumfoɔ, wɔn a wɔde wɔn ho to wo so wɔ ahotɔ pa ara mu.
Copyright information for
TwiNAK